ਜਲੰਧਰ, 21 ਅਪ੍ਰੈਲ,ਬੋਲੇ ਪੰਜਾਬ ਬਿਊਰੋ :
ਜਲੰਧਰ ਦੇ ਕਿਸ਼ਨਪੁਰਾ ਚੌਕ ਨੇੜੇ ਅੱਜ ਸੋਮਵਾਰ ਦੀ ਸਵੇਰ ਇੱਕ ਭਿਆਨਕ ਹਾਦਸਾ ਹੋਇਆ। ਇੱਕ ਚਿੱਟੇ ਰੰਗ ਦੀ ਤੇਜ਼ ਰਫ਼ਤਾਰ ਕਾਰ ਨੇ ਸੜਕ ’ਤੇ ਖੇਡ ਰਹੇ 3 ਸਾਲ ਦੇ ਤ੍ਰਿਪੁਰ ਨਾਮਕ ਬੱਚੇ ਨੂੰ ਟੱਕਰ ਮਾਰੀ, ਜਿਸ ਨਾਲ ਉਸ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ।
ਪਰਿਵਾਰਕ ਮੈਂਬਰਾਂ ਦੇ ਅਨੁਸਾਰ, ਉਹ ਧਾਰਮਿਕ ਰਸਮਾਂ ਲਈ ਆਪਣੇ ਘਰ ਤੋਂ ਨਿਕਲ ਰਹੇ ਸਨ। ਜਦੋਂ ਇਹ ਹਾਦਸਾ ਵਾਪਰਿਆ, ਇੱਕ ਕੁੱਤੇ ਨੂੰ ਵੀ ਉਸੇ ਕਾਰ ਨੇ ਕੁਚਲ ਦਿੱਤਾ। ਸਾਰੇ ਪਰਿਵਾਰ ਦਾ ਧਿਆਨ ਪਹਿਲਾਂ ਕੁੱਤੇ ਵੱਲ ਗਿਆ, ਪਰ ਫਿਰ ਪਤਾ ਲੱਗਾ ਕਿ ਬੱਚਾ ਵੀ ਕਾਰ ਦੀ ਲਪੇਟ ਵਿੱਚ ਆ ਗਿਆ ਹੈ।
ਤ੍ਰਿਪੁਰ ਦੇ ਪਰਿਵਾਰਕ ਮੈਂਬਰ ਸੋਮਨਾਥ ਨੇ ਦੱਸਿਆ ਕਿ ਬੱਚਾ ਆਪਣੇ ਸਾਥੀਆਂ ਨਾਲ ਖੇਡ ਰਿਹਾ ਸੀ। ਓਸ ਵੇਲੇ ਚਿੱਟੇ ਕਾਰ ਨੇ ਉਸਨੂੰ ਰੌਂਦ ਦਿੱਤਾ। ਪੁਲਿਸ ਨੂੰ ਹਾਦਸੇ ਬਾਰੇ ਸੂਚਿਤ ਕਰ ਦਿੱਤਾ ਗਿਆ ਹੈ।
