ਪਠਾਨਕੋਟ, 13 ਜੂਨ,ਬੋਲੇ ਪੰਜਾਬ ਬਿਊਰੋ;
ਪਠਾਨਕੋਟ ਦੇ ਨੰਗਲਪੁਰ ਖੇਤਰ ’ਚ ਭਾਰਤੀ ਏਅਰਫੋਰਸ ਦੇ ਅਪਾਚੇ ਹੈਲੀਕਾਪਟਰ ਦੀ ਐਮਰਜੈਂਸੀ ਲੈਂਡਿੰਗ ਹੋਈ ਹੈ। ਜਾਣਕਾਰੀ ਮੁਤਾਬਕ, ਤਕਨੀਕੀ ਖਰਾਬੀ ਕਾਰਨ ਹੈਲੀਕਾਪਟਰ ਨੂੰ ਜਮੀਨ ’ਤੇ ਉਤਾਰਣਾ ਪਿਆ। ਇਹ ਘਟਨਾ ਅੱਜ ਸ਼ੁੱਕਰਵਾਰ ਸਵੇਰੇ ਦੀ ਹੈ ਜਦੋਂ ਰੂਟੀਨ ਉਡਾਣ ਦੌਰਾਨ ਹੈਲੀਕਾਪਟਰ ’ਚ ਕਿਸੇ ਤਰ੍ਹਾਂ ਦੀ ਤਕਨੀਕੀ ਸਮੱਸਿਆ ਆਈ। ਪਾਇਲਟ ਨੇ ਸੁਝਬੂਝ ਦਿਖਾਉਂਦੇ ਹੋਏ ਹੈਲੀਕਾਪਟਰ ਨੂੰ ਨੰਗਲਪੁਰ ਇਲਾਕੇ ਦੇ ਖਾਲੀ ਮੈਦਾਨ ’ਚ ਸੁਰੱਖਿਅਤ ਤਰੀਕੇ ਨਾਲ ਉਤਾਰ ਲਿਆ। ਇਸ ਘਟਨਾ ਵਿੱਚ ਕਿਸੇ ਜਾਨੀ ਨੁਕਸਾਨ ਦੀ ਕੋਈ ਸੁਚਨਾ ਨਹੀਂ ਮਿਲੀ। ਸੁਰੱਖਿਆ ਏਜੰਸੀਆਂ ਅਤੇ ਤਕਨੀਕੀ ਟੀਮ ਵਲੋਂ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
