ਜੀਵਨ ਸ਼ੈਲੀ ਵਿੱਚ ਬਦਲਾਅ ਕਰਕੇ ਕੈਂਸਰ ਤੋਂ ਬਚਿਆ ਜਾ ਸਕਦਾ ਹੈ:
ਚੰਡੀਗੜ੍ਹ, 26 ਜੁਲਾਈ,ਬੋਲੇ ਪੰਜਾਬ ਬਿਊਰੋ(ਹਰਦੇਵ ਚੌਹਾਨ)
ਸਿਰ ਅਤੇ ਗਰਦਨ ਦੇ ਕੈਂਸਰ ਜਾਗਰੂਕਤਾ ਦਿਵਸ ਦੀ ਪੂਰਵ ਸੰਧਿਆ ‘ਤੇ ਪਾਰਕ ਹਸਪਤਾਲ, ਮੋਹਾਲੀ ਦੇ ਡਾਇਰੈਕਟਰ ਡਾ. ਹਰਿੰਦਰਪਾਲ ਸਿੰਘ, ਡਾ. ਵਿਜੇ ਜਗੜ, ਅਤੇ ਡਾ. ਜੋਬਨਜੀਤ ਕੌਰ, ਨੇ ਸ਼ਨੀਵਾਰ ਨੂੰ ਇੱਥੇ ਚੰਡੀਗੜ੍ਹ ਪ੍ਰੈੱਸ ਕਲੱਬ ਵਿਖੇ ਪ੍ਰੈਸ ਕਾਨਫਰੰਸ ਦੌਰਾਨ ਸਿਰ ਅਤੇ ਗਰਦਨ ਦੇ ਕੈਂਸਰ ਬਾਰੇ ਨਵੇਂ ਤੱਥ ਸਾਂਝੇ ਕੀਤੇ।
ਉਹਨਾਂ ਦੱਸਿਆ ਕਿ ਭਾਰਤ ਵਿੱਚ 30 ਲੱਖ ਲੋਕ ਕੈਂਸਰ ਤੋਂ ਪੀੜਤ ਹਨ, ਜਿਨ੍ਹਾਂ ਵਿੱਚੋਂ 14 ਲੱਖ ਨਵੇਂ ਕੇਸ ਹਨ ਅਤੇ ਭਾਰਤ ਵਿੱਚ ਹਰ ਸਾਲ 9.10 ਲੱਖ ਲੋਕ ਕੈਂਸਰ ਕਾਰਨ ਮਰਦੇ ਹਨ। ਸਿਰ ਅਤੇ ਗਰਦਨ ਦਾ ਕੈਂਸਰ ਮੁੱਖ ਤੌਰ ‘ਤੇ ਸਾਡੀ ਜੀਵਨ ਸ਼ੈਲੀ, ਸੁਪਾਰੀ ਚਬਾਉਣ ਦੀ ਆਦਤ, ਤੰਬਾਕੂ ਅਤੇ ਸ਼ਰਾਬ ਦੀ ਖਪਤ ਅਤੇ ਮੂੰਹ ਦੀ ਮਾੜੀ ਸਫਾਈ ਕਾਰਨ ਹੁੰਦਾ ਹੈ ਜਿਸ ਨੂੰ ਜੀਵਨ ਸ਼ੈਲੀ ਵਿੱਚ ਬਦਲਾਅ ਸਮੇਤ ਤੰਬਾਕੂ ਤੋਂ ਪਰਹੇਜ਼ ਕਰਕੇ ਰੋਕਿਆ ਜਾ ਸਕਦਾ ਹੈ।
ਡਾ. ਜੋਬਨਜੀਤ ਕੌਰ ਨੇ ਕਿਹਾ ਕਿ
ਸਰਜਰੀ, ਅੰਗ ਸੰਭਾਲ ਤਕਨੀਕਾਂ ਅਤੇ ਰੇਡੀਓਥੈਰੇਪੀ ਅਤੇ ਮੈਡੀਕਲ ਓਨਕੋਲੋਜੀ ਵਿੱਚ ਤਰੱਕੀ ਨੇ ਕੈਂਸਰ ਦੇ ਇਲਾਜ ਵਿੱਚ ਸੁਧਾਰ ਕੀਤਾ ਹੈ ਅਤੇ ਮੌਤ ਦਰ ਵਿੱਚ ਕਮੀ ਆਈ ਹੈ।
ਪਾਰਕ ਹਸਪਤਾਲਾਂ ਦੇ ਗਰੁੱਪ ਸੀਈਓ ਨੌਰਥ ਆਸ਼ੀਸ਼ ਚੱਢਾ ਨੇ ਕਿਹਾ ਕਿ ਗ੍ਰੀਸ਼ੀਅਨ ਪਾਰਕ ਹਸਪਤਾਲ, ਮੋਹਾਲੀ ਟ੍ਰਾਈਸਿਟੀ ਦਾ ਪਹਿਲਾ ਹਸਪਤਾਲ ਹੈ ਜਿਸਨੇ ਵਿਆਪਕ ਕੈਂਸਰ ਦੇਖਭਾਲ ਸੇਵਾ ਸ਼ੁਰੂ ਕੀਤੀ ਹੈ।
ਹੁਣ ਅਸੀਂ ਕੈਂਸਰ ਦੇ ਇਲਾਜ ਲਈ ਹਰਿਆਣਾ ਅਤੇ ਹਿਮਾਚਲ ਪ੍ਰਦੇਸ਼ ਸਰਕਾਰਾਂ, ਈਸੀਐਚਐਸ, ਸੀਜੀਐਚਐਸ, ਆਯੁਸ਼ਮਾਨ ਅਤੇ ਕਾਰਪੋਰੇਟਾਂ ਨਾਲ ਵੀ ਜੁੜੇ ਹੋਏ ਹਾਂ।
