ਮੋਹਾਲੀ, 22 ਅਗਸਤ,ਬੋਲੇ ਪੰਜਾਬ ਬਿਊਰੋ;
ਪੰਜਾਬੀ ਗਾਇਕ ਮਨਕੀਰਤ ਔਲਖ ਨੂੰ ਇੱਕ ਵਾਰ ਫਿਰ ਵਿਦੇਸ਼ੀ ਨੰਬਰ ਤੋਂ ਵਟਸਐਪ ‘ਤੇ ਧਮਕੀ ਮਿਲੀ ਹੈ। ਇਸ ਤੋਂ ਪਹਿਲਾਂ ਵੀ ਮਨਕੀਰਤ ਔਲਖ ਨੂੰ ਬੰਬੀਹਾ ਗਰੁੱਪ ਤੋਂ ਧਮਕੀ ਮਿਲੀ ਸੀ। ਮਨਕੀਰਤ ਔਲਖ ਨੂੰ ਉਨ੍ਹਾਂ ਦੇ ਅਧਿਕਾਰਤ ਨੰਬਰ ‘ਤੇ ਇੱਕ ਧਮਕੀ ਭਰਿਆ ਸੁਨੇਹਾ ਮਿਲਿਆ ਜੋ ਪੰਜਾਬੀ ਵਿੱਚ ਲਿਖਿਆ ਹੈ
ਇਸ ਤੋਂ ਬਾਅਦ ਔਲਖ ਦੇ ਮੈਨੇਜਰ ਨਾਲ ਧਮਕੀ ਭਰੇ ਨੰਬਰ ‘ਤੇ ਵਟਸਐਪ ਗੱਲਬਾਤ ਵੀ ਹੋਈ। ਇਸ ਵਿੱਚ ਸਾਫ਼ ਤੌਰ ‘ਤੇ ਮਨਕੀਰਤ ਨੂੰ ਮਾਰਨ ਲਈ ਕਿਹਾ ਜਾ ਰਿਹਾ ਹੈ। ਇਸ ਮਾਮਲੇ ਵਿੱਚ ਮਨਕੀਰਤ ਨੇ ਐਸਐਸਪੀ ਮੋਹਾਲੀ ਕੋਲ ਸ਼ਿਕਾਇਤ ਦਰਜ ਕਰਵਾਈ ਹੈ। ਫਿਲਹਾਲ ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਮਨਕੀਰਤ ਔਲਖ ਨੂੰ ਜਿਸ ਨੰਬਰ ਤੋਂ ਧਮਕੀ ਮਿਲੀ ਹੈ, ਉਸ ਨੰਬਰ ਦੇ ਵੇਰਵੇ ਕੱਢਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਤਾਂ ਜੋ ਇਹ ਪਤਾ ਲਗਾਇਆ ਜਾ ਸਕੇ ਕਿ ਇਹ ਨੰਬਰ ਕਿੱਥੋਂ ਦਾ ਹੈ ਅਤੇ ਕਿਸ ਗੈਂਗ ਦਾ ਹੈ।
