ਸਿੱਧ ਬਾਬਾ ਬਾਲ ਭਾਰਤੀ ਪ੍ਰਾਚੀਨ ਸ਼ਿਵ ਮੰਦਰ ਸੈਕਟਰ-71 ਮਟੌਰ ਵਿਖੇ ਕਰਵਾਇਆ ਜਾ ਰਿਹਾ ਸ਼੍ਰੀਮਦ ਭਾਗਵਤ ਸਪਤਾਹ ਗਿਆਨ ਯੱਗ
ਮੋਹਾਲੀ 8 ਸਤੰਬਰ ,ਬੋਲੇ ਪੰਜਾਬ ਬਿਊਰੋ;
ਪਿਤ੍ਰੂ ਪੱਖ ਦੇ ਮੌਕੇ ‘ਤੇ ਪਿਤ੍ਰੂ ਸ਼ਾਂਤੀ ਮਹਾਯੱਗ ਅਤੇ ਸੰਗੀਤਮਈ ਸ਼੍ਰੀਮਦ ਭਾਗਵਤ ਸਪਤਾਹ ਗਿਆਨ ਯੱਗ ਦੇ ਪਹਿਲੇ ਦਿਨ ਜਿੱਥੇ ਇਕ ਪਾਸੇ ਕਥਾ ਵਿਆਸ ਆਚਾਰੀਆ ਜਗਦੰਬਾ ਰਤੁੜੀ ਨੇ ਸ਼੍ਰੀਮਦ ਭਾਗਵਤ ਕਥਾ ਸੁਣਨ ਅਤੇ ਸੁਣਾਉਣ ਦੇ ਸ਼ੁਰੂਆਤ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ, ਉੱਥੇ ਹੀ ਉਨ੍ਹਾਂ ਨੇ ਸ਼੍ਰੀਮਦ ਭਾਗਵਤ ਕਥਾ ਦੀ ਮਹਿਮਾ ਦੱਸੀ ਅਤੇ ਇਸ ਨੂੰ ਖੁਦ ਭਗਵਾਨ ਵਿਸ਼ਨੂੰ ਸੰਬੋਧਿਤ ਕੀਤਾ। ਦੱਸਣਯੋਗ ਹੈ ਕਿ 7 ਸਤੰਬਰ ਤੋਂ 13 ਸਤੰਬਰ 2025 ਤੱਕ ਸਿੱਧ ਬਾਬਾ ਬਾਲ ਭਾਰਤੀ ਮੰਦਿਰ ਮਟੌਰ ਵਿਖੇ ਰੋਜ਼ਾਨਾ ਸ਼ਾਮ ਨੂੰ 4 ਤੋਂ 7 ਵਜੇ ਤੱਕ ਪਿਤ੍ਰੁ ਸ਼ਾਂਤੀ ਮਹਾਯੱਗ ਅਤੇ ਸੰਗੀਤਮਈ ਸ਼੍ਰੀਮਦ ਭਾਗਵਤ ਸਪਤਾਹ ਗਿਆਨ ਯੱਗ ਕਰਵਾਇਆ ਜਾ ਰਿਹਾ ਹੈ, ਕਥਾ ਉਪਰੰਤ ਮਹਾਂ ਆਰਤੀ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਸ਼੍ਰੀਮਦ ਭਾਗਵਤ ਕਥਾ ਦੇ ਪ੍ਰਬੰਧਕਾਂ ਅਤੇ ਮੰਦਰ ਕਮੇਟੀ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਗਣੇਸ਼ ਪੂਜਨ, ਮੂਲ ਪਾਠ, ਪਿਤ੍ਰ ਪੂਜਨ ਤਰਪਣ, ਪਿੰਡਦਾਨ, ਹਵਨ ਯੱਗ ਹਰ ਰੋਜ਼ ਸਵੇਰੇ 8 ਵਜੇ ਕੀਤੇ ਜਾ ਰਹੇ ਹਨ।
