ਟੈਕਸਾਸ, 12 ਸਤੰਬਰ,ਬੋਲੇ ਪੰਜਾਬ ਬਿਊਰੋ;
ਅਮਰੀਕਾ ‘ਚ ਟੈਕਸਾਸ ਦੇ ਡੱਲਾਸ ਵਿਖੇ ਇੱਕ ਭਾਰਤੀ ਮੂਲ ਦੇ ਵਿਅਕਤੀ ਦਾ ਉਸਦੀ ਪਤਨੀ ਅਤੇ ਪੁੱਤਰ ਦੇ ਸਾਹਮਣੇ ਸਿਰ ਵੱਢ ਦਿੱਤਾ ਗਿਆ। ਹਮਲਾਵਰ ਨੇ ਉਸਦਾ ਸਿਰ ਕਲਮ ਕਰ ਦਿੱਤਾ। ਘਟਨਾ ਦੀ ਸੀਸੀਟੀਵੀ ਫੁਟੇਜ ਸਾਹਮਣੇ ਆਈ ਹੈ। ਇਸ ਵਿੱਚ ਹਮਲਾਵਰ ਨੂੰ ਆਦਮੀ ਦਾ ਸਿਰ ਕਲਮ ਕਰਦੇ ਹੋਏ ਦਿਖਾਇਆ ਗਿਆ ਹੈ, ਫਿਰ ਉਸ ਨੇ ਵੱਢੇ ਹੋਏ ਸਿਰ ਨੂੰ ਦੋ ਵਾਰ ਲੱਤਾਂ ਮਾਰੀਆਂ ਅਤੇ ਬਾਅਦ ਵਿੱਚ ਕੂੜੇਦਾਨ ਵਿੱਚ ਸੁੱਟ ਦਿੱਤਾ।
ਪੁਲਿਸ ਦੇ ਅਨੁਸਾਰ, ਲੜਾਈ ਉਦੋਂ ਸ਼ੁਰੂ ਹੋਈ ਜਦੋਂ ਚੰਦਰਮੌਲੀ ਨਾਗਮੱਲਈਆ ਨੇ ਆਪਣੇ ਸਾਥੀ, 37 ਸਾਲਾ ਯੋਰਡਾਨਿਸ ਕੋਬੋਸ-ਮਾਰਟੀਨੇਜ਼ ਨੂੰ ਟੁੱਟੀ ਹੋਈ ਵਾਸ਼ਿੰਗ ਮਸ਼ੀਨ ਦੀ ਵਰਤੋਂ ਨਾ ਕਰਨ ਲਈ ਕਿਹਾ। ਬਹਿਸ ਵਧ ਗਈ, ਅਤੇ ਮਾਰਟੀਨੇਜ਼ ਨੇ ਚੰਦਰਮੌਲੀ ਨੂੰ ਕਈ ਵਾਰ ਚਾਕੂ ਮਾਰਿਆ।
ਚੰਦਰਮੌਲੀ ਮਦਦ ਲਈ ਚੀਕਦਾ ਹੋਇਆ ਮੋਟਲ ਦੀ ਪਾਰਕਿੰਗ ਵਿੱਚ ਭੱਜਿਆ, ਪਰ ਯੋਰਡਾਨਿਸ ਨੇ ਉਸਦਾ ਪਿੱਛਾ ਕੀਤਾ ਅਤੇ ਉਸ ‘ਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ। ਚੰਦਰਮੌਲੀ ਦੀ ਪਤਨੀ ਅਤੇ ਪੁੱਤਰ, ਜੋ ਮੋਟਲ ਦੇ ਫਰੰਟ ਆਫਿਸ ਵਿੱਚ ਸਨ, ਬਾਹਰ ਆਏ ਅਤੇ ਉਸਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ, ਪਰ ਯੋਰਡਾਨਿਸ ਨੇ ਉਨ੍ਹਾਂ ਨੂੰ ਧੱਕਾ ਦੇ ਦਿੱਤਾ। ਫਿਰ ਉਸਨੇ ਚੰਦਰਮੌਲੀ ਦਾ ਸਿਰ ਕਲਮ ਕਰ ਦਿੱਤਾ।
