ਅਬੋਹਰ, 13 ਸਤੰਬਰ ,ਬੋਲੇ ਪੰਜਾਬ ਬਿਊਰੋ;
ਪੰਜਾਬ ਪਿਛਲੇ ਤਿੰਨ ਸਾਲਾਂ ਵਿੱਚ ਦੂਜੀ ਵਾਰ ਹੜ੍ਹਾਂ ਦੀ ਲਪੇਟ ਵਿੱਚ ਹੈ। ਇਸ ਕੁਦਰਤੀ ਆਫਤ ਨੇ ਮਨੁੱਖਾਂ ਦੇ ਨਾਲ-ਨਾਲ ਪਸ਼ੂਆਂ ਦਾ ਵੀ ਭਾਰੀ ਨੁਕਸਾਨ ਕੀਤਾ ਹੈ। ਜ਼ਿਲ੍ਹਾ ਫਾਜ਼ਿਲਕਾ ਦੇ ਸੈਂਕੜੇ ਪਰਿਵਾਰ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਵਿੱਚ ਮੁੱਢਲੀਆਂ ਜ਼ਰੂਰਤਾਂ ਤੋਂ ਬਿਨਾਂ ਫਸੇ ਹੋਏ ਹਨ। ਸਰਕਾਰ, ਪ੍ਰਸ਼ਾਸਨ ਅਤੇ ਸਮਾਜ ਭਲਾਈ ਸੰਸਥਾਵਾਂ ਦੀਆਂ ਟੀਮਾਂ ਲਗਾਤਾਰ ਹੜ੍ਹ ਪ੍ਰਭਾਵਿਤ ਲੋਕਾਂ ਦੀ ਸੇਵਾਵਾਂ ਵਿੱਚ ਜੁਟੀਆਂ ਹੋਈਆਂ ਹਨ। ਜ਼ਿਲ੍ਹਾ ਫਾਜ਼ਿਲਕਾ ਦੇ ਪਿੰਡ ਡੰਗਰ ਖੇੜਾ ਤੋਂ ਦਾ ਯੂਥ ਕਲੱਬ ਡੰਗਰ ਖੇੜਾ ਵੀ ਲਗਾਤਾਰ 13 ਦਿਨਾਂ ਤੋਂ ਜ਼ਿਲ੍ਹੇ ਦੇ ਹੜ੍ਹ ਪ੍ਰਭਾਵਿਤ ਖੇਤਰ ਵਿੱਚ ਆਪਣੀਆਂ ਸੇਵਾਵਾਂ ਦੇ ਰਿਹਾ ਹੈ। ਦਾ ਯੂਥ ਕਲੱਬ ਡੰਗਰ ਖੇੜਾ ਫਾਜ਼ਿਲਕਾ ਦੇ ਹੜ੍ਹ ਪ੍ਰਭਾਵਿਤ ਪਿੰਡਾਂ ਵਿੱਚ ਲਗਾਤਾਰ ਪਸ਼ੂਆਂ ਲਈ ਹਰਾ ਚਾਰਾ, ਤੂੜੀ ਅਤੇ ਫੀਡ ਪਹੁੰਚਾ ਰਿਹਾ ਹੈ।ਦਾ ਯੂਥ ਕਲੱਬ ਡੰਗਰ ਖੇੜਾ ਨੇ ਪਿੰਡ ਵਾਸੀਆਂ ਦੇ ਸਹਿਯੋਗ ਨਾਲ ਫਾਜ਼ਿਲਕਾ ਦੇ ਹੜ੍ਹ ਪ੍ਰਭਾਵਿਤ ਪਿੰਡ ਗਟੀ ਨੰਬਰ 1, ਮਹਾਤਮ ਨਗਰ, ਮੁਹਾਰ ਜਮਸ਼ੇਰ, ਬੁਰਜ ਮਹਿਮਾ ਅਤੇ ਰਾਮ ਸਿੰਘ ਭੈਣੀ ਦੇ ਘਰ-ਘਰ ਵਿੱਚ ਜਾ ਕੇ 501 ਰਾਸ਼ਨ ਕਿੱਟਾਂ ਵੰਡੀਆਂ ਹਨ।
ਇਨ੍ਹਾਂ ਮੁਸ਼ਕਲ ਹਾਲਾਤਾਂ ਵਿੱਚ, ਬੱਲੂਆਣਾ ਵਿਧਾਨ ਸਭਾ ਹਲਕੇ ਦੇ ਪਿੰਡ ਡੰਗਰ ਖੇੜਾ ਦਾ ‘ਦਾ ਯੂਥ ਕਲੱਬ ਡੰਗਰ ਖੇੜਾ’ ਹੜ੍ਹ ਪ੍ਰਭਾਵਿਤ ਲੋਕਾਂ ਦੀ ਮਦਦ ਕਰਨ ਵਿੱਚ ਲਗਾਤਾਰ ਜੁਟਿਆ ਹੋਇਆ ਹੈ। ਪਿਛਲੇ 13 ਦਿਨਾਂ ਵਿੱਚ, ਕਲੱਬ ਸਤਲੁਜ ਦਰਿਆ ਦੇ ਕਾਵਾ ਵਾਲੀ ਪੁਲ ਨੂੰ ਪਾਰ ਕਰਕੇ ਹੜ੍ਹ ਪ੍ਰਭਾਵਿਤ ਪਿੰਡਾਂ ਗਟੀ ਨੰਬਰ 1, ਮਹਾਤਮ ਨਗਰ, ਮੁਹਾਰ ਜਮਸ਼ੇਰ, ਬੁਰਜ ਮਹਿਮਾ, ਰਾਮ ਸਿੰਘ ਭੈਣੀ ਅਤੇ ਸਾਬੂਆਣਾ ਵਿੱਚ ਜਾਨਵਰਾਂ ਲਈ ਰਾਹਤ ਸਮੱਗਰੀ ਲਗਾਤਾਰ ਪਹੁੰਚਾ ਰਿਹਾ ਹੈ। ਉਨ੍ਹਾਂ ਪਿੰਡਾਂ ਦੀ ਸਥਿਤੀ ਨੂੰ ਦੇਖਦੇ ਹੋਏ, ਡੰਗਰ ਖੇੜਾ ਦੇ ਪਿੰਡ ਵਾਸੀਆਂ ਅਤੇ ‘ਦਾ ਯੂਥ ਕਲੱਬ ਡੰਗਰ ਖੇੜਾ’ ਨੇ ਹੜ੍ਹ ਪ੍ਰਭਾਵਿਤ ਖੇਤਰਾਂ ਵਿੱਚ ਫਸੇ ਲੋਕਾਂ ਲਈ ਰਾਸ਼ਨ ਦੇ 501 ਪੈਕੇਟ ਵੰਡੇ ਹਨ, ਜਿਸ ਵਿੱਚ ਆਟਾ, ਦਾਲਾਂ, ਚੌਲ ਅਤੇ ਚਾਹ-ਖੰਡ ਤੋਂ ਇਲਾਵਾ ਰੋਜ਼ਾਨਾ ਰਸੋਈ ਦੀਆਂ ਚੀਜ਼ਾਂ ਸ਼ਾਮਲ ਹਨ।
ਦਾ ਯੂਥ ਕਲੱਬ ਡੰਗਰ ਖੇੜਾ ਦੇ ਮੀਡੀਆ ਇੰਚਾਰਜ ਨੇ ਦੱਸਿਆ ਕਿ, “ਸਾਨੂੰ ਆਪਣੇ ਪਿੰਡ ਵਾਸੀਆਂ ਅਤੇ ਦਾ ਯੂਥ ਕਲੱਬ ਡੰਗਰ ਖੇੜਾ ਦੇ ਨੌਜਵਾਨਾਂ ‘ਤੇ ਮਾਣ ਹੈ ਜੋ ਹੜ੍ਹ ਪ੍ਰਭਾਵਿਤ ਲੋਕਾਂ ਦੀ ਮਦਦ ਲਈ ਅੱਗੇ ਆਏ ਹਨ। ਹਰ ਰੋਜ਼ ਪਿੰਡ ਦੇ 10 ਤੋਂ 15 ਵਲੰਟੀਅਰ ਫਾਜ਼ਿਲਕਾ ਜ਼ਿਲ੍ਹੇ ਦੇ ਹੜ੍ਹ ਪ੍ਰਭਾਵਿਤ ਖੇਤਰ ਵਿੱਚ ਸੇਵਾ ਕਰਨ ਲਈ ਜਾਂਦੇ ਹਨ, ਅੱਜ ਕਲੱਬ ਦੀ ਪੂਰੀ ਟੀਮ ਦੇ ਨਾਲ-ਨਾਲ ਸਰਗਰਮ ਮੈਂਬਰ ਹੜ੍ਹ ਪੀੜਤ ਪਿੰਡਾਂ ਵਿੱਚ ਰਾਸ਼ਨ ਸਪਲਾਈ ਕਰਨ ਲਈ ਮੌਜੂਦ ਸਨ। ਯੂਥ ਕਲੱਬ ਡੰਗਰ ਖੇੜਾ ਨੇ ਕਿਸ਼ਤੀ ਰਾਹੀਂ ਗਟੀ ਨੰਬਰ 1, ਮਹਾਤਮ ਨਗਰ, ਮੁਹਾਰ ਜਮਸ਼ੇਰ, ਬੁਰਜ ਮਹਿਮਾ ਅਤੇ ਰਾਮ ਸਿੰਘ ਭੈਣੀ ਪਹੁੰਚ ਕੇ ਘਰ-ਘਰ ਰਾਸ਼ਨ ਵੰਡਿਆ। ਸੰਕਟ ਦੀ ਇਸ ਘੜੀ ਵਿੱਚ, ਦਾ ਯੂਥ ਕਲੱਬ ਡੰਗਰ ਖੇੜਾ ਆਖਰੀ ਸਮੇਂ ਤੱਕ ਸਰਕਾਰ ਅਤੇ ਪ੍ਰਸ਼ਾਸਨ ਦਾ ਸਾਥ ਦੇਣ ਲਈ ਤਿਆਰ ਰਹੇਗਾ।
