ਮੰਦਰ ਕਮੇਟੀ ਅਤੇ ਕਥਾ ਵਿਆਸ ਨੇ ਪਤਵੰਤਿਆਂ ਦਾ ਸਨਮਾਨ ਕੀਤਾ, ਡਿਪਟੀ ਮੇਅਰ ਤੋਂ ਲੈ ਕੇ ਹੋਰ ਭਜਨ ਅਤੇ ਸੰਕੀਰਤਨ ਜਥਿਆਂ ਨੇ ਮੱਥਾ ਟੇਕਿਆ
ਮੋਹਾਲੀ, 16 ਸਤੰਬਰ,ਬੋਲੇ ਪੰਜਾਬ ਬਿਊਰੋ;
ਪਿਤ੍ਰੂ ਪੱਖ, ਪਿਤ੍ਰੂ ਸ਼ਾਂਤੀ ਮਹਾਯੱਗ ਅਤੇ ਸੰਗੀਤਮਈ ਸ਼੍ਰੀਮਦ ਭਾਗਵਤ ਸਪਤਾਹ ਗਿਆਨ ਯੱਗ ਮੁਹਾਲੀ ਦੇ ਫੇਜ਼-10 ਸਥਿਤ ਸ਼੍ਰੀ ਦੁਰਗਾ ਮਾਤਾ ਮੰਦਰ ਵਿਖੇ ਕਰਵਾਇਆ ਜਾ ਰਿਹਾ ਹੈ, ਜਿਸ ਵਿੱਚ ਕਥਾ ਵਿਆਸ ਅਚਾਰੀਆ ਜਗਦੰਬਾ ਰਤੁੜੀ ਵੱਲੋਂ ਵੱਖ-ਵੱਖ ਕਥਾਵਾਂ ਰਾਹੀਂ ਸੰਗਤਾਂ ਨੂੰ ਪ੍ਰਭੂ ਚਰਨਾਂ ਨਾਲ ਜੋੜਨ ਦਾ ਯਤਨ ਕੀਤਾ ਜਾ ਰਿਹਾ ਹੈ।
ਸ਼੍ਰੀਮਦ ਭਾਗਵਤ ਕਥਾ ਦੇ ਤੀਸਰੇ ਦਿਨ ਰਾਜਾ ਪਰੀਕਸ਼ਤ ਦੀ ਕਥਾ ਸੁਣਾਉਂਦੇ ਹੋਏ ਸ਼ਰਧਾਲੂਆਂ ਨੇ ‘ਲਗਨ ਤੁਮਸੇ ਲਗਾ ਬੈਠੇ ਜੋ ਹੋਗਾ ਦੇਖਾ ਜਾਏਗਾ’ ਗੀਤ ‘ਤੇ ਨੱਚਦੇ ਹੋਏ ਹਰੇ-ਕ੍ਰਿਸ਼ਨ ਹਰੇ ਰਾਮ ਦੇ ਜੈਕਾਰੇ ਵੀ ਲਗਾਏ। ਇਸ ਮੌਕੇ ਮੁਹਾਲੀ ਦੇ ਡਿਪਟੀ ਮੇਅਰ ਕੁਲਜੀਤ ਸਿੰਘ ਬੇਦੀ ਅਤੇ ਕਈ ਮੰਦਰ ਕਮੇਟੀਆਂ ਦੀਆਂ ਬੀਬੀਆਂ ਅਤੇ ਸੰਕੀਰਤਨ ਜਥਿਆਂ ਤੇ ਹੋਰ ਸਮਾਜ ਸੇਵੀਆਂ ਨੇ ਮੱਥਾ ਟੇਕਿਆ ਅਤੇ ਕਥਾ ਵਿਆਸ ਤੋਂ ਅਸ਼ੀਰਵਾਦ ਵੀ ਲਿਆ। ਇਸ ਮੌਕੇ ਮੁੱਖ ਯਜਮਾਨ ਬਲਰਾਮ ਮਹਿਤਾ ਤੋਂ ਇਲਾਵਾ ਸ੍ਰੀਮਤੀ ਤਾਰਾ ਮਹਿਤਾ, ਸੁਨੀਲ ਮਹਿਤਾ, ਨੀਤੂ ਮਹਿਤਾ, ਅਜੈ ਮਹਿਤਾ, ਗੌਰੀ ਮਹਿਤਾ, ਸ਼੍ਰੀ ਦੁਰਗਾ ਮੰਦਰ ਫੇਜ਼-10 ਦੇ ਮੌਜੂਦਾ ਪ੍ਰਧਾਨ ਰਾਜੇਸ਼ ਸ਼ਰਮਾ, ਟੀਮ ਦੇ ਨਾਲ ਜਨਰਲ ਸਕੱਤਰ ਜੇ.ਪੀ.ਤੋਂਖੀ ਅਤੇ ਮਹਿਲਾ ਸੰਕੀਰਤਨ ਮੰਡਲ ਦੀ ਪ੍ਰਧਾਨ ਸ੍ਰੀਮਤੀ ਮੀਨਾ ਸੈਣੀ ਅਤੇ ਮੰਦਰ ਦੇ ਪੁਜਾਰੀ ਪੰਡਿਤ ਗੋਪਾਲ ਮਨੀ ਮਿਸ਼ਰਾ ਨੇ ਵੀ ਸ਼ਿਰਕਤ ਕੀਤੀ। ਕਥਾ ਵਿਆਸ ਅਚਾਰੀਆ ਜਗਦੰਬਾ ਰਤੂੜੀ ਨੇ ਦੱਸਿਆ ਕਿ ਸ਼੍ਰੀ ਦੁਰਗਾ ਮਾਤਾ ਮੰਦਰ ਫੇਜ਼-10 ਮੋਹਾਲੀ ਵਿਖੇ ਪਿਤ੍ਰੁ ਸ਼ਾਂਤੀ ਮਹਾਂ ਯੱਗ ਅਤੇ ਸੰਗੀਤਮਈ ਸ਼੍ਰੀਮਦ ਭਾਗਵਤ ਸਪਤਾਹ ਗਿਆਨ ਯੱਗ ਰੋਜ਼ਾਨਾ ਸ਼ਾਮ 4 ਤੋਂ 7 ਵਜੇ ਤੱਕ ਕਰਵਾਇਆ ਜਾ ਰਿਹਾ ਹੈ, ਉਪਰੰਤ ਮਹਾਂ ਆਰਤੀ ਕੀਤੀ ਜਾਂਦੀ ਹੈ ਅਤੇ ਹਰ ਰੋਜ਼ ਸਵੇਰੇ 8 ਵਜੇ ਪੂਜਨ ਗਣੇਸ਼ ਪੂਜਨ, ਮੋ ਗਣੇਸ਼ ਪੂਜਨ, ਰੋਜ਼ਾਨਾ ਹਵਨ ਯੱਗ ਕੀਤਾ ਜਾ ਰਿਹਾ ਹੈ। ਇਸ ਮੌਕੇ ‘ਤੇ ਆਏ ਪਤਵੰਤਿਆਂ ਨੂੰ ਕਥਾ ਵਿਆਸ ਅਤੇ ਸ਼੍ਰੀ ਦੁਰਗਾ ਮੰਦਰ ਕਮੇਟੀ ਦੇ ਪ੍ਰਧਾਨ ਰਾਜੇਸ਼ ਸ਼ਰਮਾ, ਜਨਰਲ ਸਕੱਤਰ ਤੇਪੀ ਤੋਖੀ ਅਤੇ ਟੀਮ ਨੇ ਸਨਮਾਨਿਤ ਕੀਤਾ ਗਿਆ। ਮੰਦਰ ਕਮੇਟੀ ਦੇ ਪ੍ਰਧਾਨ ਰਾਜੇਸ਼ ਸ਼ਰਮਾ ਨੇ ਸਾਰੇ ਪਤਵੰਤਿਆਂ ਅਤੇ ਸ਼ਰਧਾਲੂਆਂ ਦਾ ਧੰਨਵਾਦ ਕੀਤਾ ਅਤੇ ਵੱਧ ਤੋਂ ਵੱਧ ਗਿਣਤੀ ਵਿੱਚ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਣ ਦੀ ਅਪੀਲ ਕੀਤੀ।
