ਸਕੂਲਾਂ ਵਿੱਚ ਪ੍ਰਿੰਸੀਪਲ ਦੀਆਂ ਭਰਨ ਦੀ ਪ੍ਰਕਿਰਿਆ ਤੇਜ਼ ਕੀਤੀ ਜਾਵੇ
ਜਿੰਨਾ ਪ੍ਰਿੰਸੀਪਲਜ਼, ਮੁੱਖ ਅਧਿਆਪਕਾਂ ਨੂੰ ਵਿਦੇਸ਼ ਵਿੱਚ ਟਰੇਨਿੰਗ ਕਰਵਾਈ ਗਈ ਉਹਨਾ ਦੇ ਲੈਕਚਰਾਰ ਅਜੂਸੈਟ ਰਾਹੀਂ ਕਰਵਾਏ ਜਾਣ
ਡੀ .ਏ. ਦੀਆਂ ਕਿਸ਼ਤਾ ਅਤੇ ਬਕਾਏ ਜਾਰੀ ਕੀਤੇ ਜਾਣ(ਲੈਕਚਰਾਰ ਯੂਨੀਅਨ ਪੰਜਾਬ)
ਚੰਡੀਗੜ੍ਹ 3 ਅਪ੍ਰੈਲ ,ਬੋਲੇ ਪੰਜਾਬ ਬਿਊਰੋ;
ਗੌਰਮਿੰਟ ਸਕੂਲ ਲੈਕਚਰਾਰ ਯੂਨੀਅਨ ਪੰਜਾਬ ਵੱਲੋਂ ਲਗਾਤਾਰ ਕੋਸ਼ਿਸ਼ ਕਰਨ ਦੇ ਬਾਵਜੂਦ ਵਿਭਾਗ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਵਿੱਚ ਪ੍ਰਿੰਸੀਪਲ ਦੀਆਂ 1200 ਦੇ ਕਰੀਬ ਖਾਲੀ ਆਸਾਮੀਆਂ ਨੂੰ ਪਦਉੱਨਤ ਕਰਕੇ ਭਰਨ ਵਿਚ ਅਸਫ਼ਲ ਰਿਹਾ ਹੈ| ਤਰੱਕੀਆਂ ਦੇ ਕਾਰਜ ਵਿੱਚ ਤੇਜ਼ੀ ਲਿਆਉਣ ਲਈ ਬਣਾਇਆ ਗਿਆ ਪ੍ਰਮੋਸ਼ਨ ਸੈੱਲ, ਚਿੱਟਾ ਹਾਥੀ ਨਿਕਲਿਆ ਹੈ ਡਾਇਰੈਕਟਰ ਸਕੂਲ ਸਿੱਖਿਆ ਪੰਜਾਬ ਦੇ ਪ੍ਰਮੋਸ਼ਨ ਸੈੱਲ ਦੀ ਕਾਰਗੁਜ਼ਾਰੀ ਵਧੀਆ ਨਹੀਂ ਰਹੀਂ।ਸਿੱਖਿਆ ਮੰਤਰੀ ਹਰਜੋਤ ਸਿੰਘ ਬੈਂਸ ਅਤੇ ਸਿੱਖਿਆ ਸਕੱਤਰ ਪੰਜਾਬ,ਵਲੋਂ ਸਿੱਖਿਆ ਨਿਯਮ 2018 ਵਿੱਚ ਸੋਧ ਕਰਨ ਉਪਰੰਤ ਪ੍ਰਮੋਸ਼ਨ ਕੋਟਾ 75% ਅਤੇ ਸਿੱਧੀ ਭਰਤੀ ਦਾ ਕੋਟਾ 25% ਕਰਨ ਨਾਲ ਸੀਨੀਅਰ ਲੈਕਚਰਾਰਜ਼,ਵੋਕੇਸ਼ਨਲ ਲੈਕਚਰਾਰ ਅਤੇ ਮੁੱਖ ਅਧਿਆਪਕ ਨੂੰ ਪਦਉੱਨਤ ਹੋਣ ਦੀ ਆਸ ਨੂੰ ਪ੍ਰਮੋਸ਼ਨ ਸੈੱਲ ਦੀ ਘਟੀਆ ਸ਼ੈਲੀ ਕਾਰਨ ਬੂਰ ਨਹੀਂ ਪਿਆ। ਲੰਮਾ ਸਮਾਂ ਅਦਾਲਤ ਦੀ ਘੁੰਮਣ ਘੇਰੀ ਵਿੱਚ ਹੀ ਬੀਤ ਗਿਆ ਜਿਸ ਦਾ ਸਿੱਧਾ ਨੁਕਸਾਨ ਸਿੱਖਿਆ ਕ੍ਰਾਂਤੀ ਅਤੇ ਗਰੀਬ ਵਿਦਿਆਰਥੀਆਂ, ਅਤੇ ਤਜ਼ਰਬੇਕਾਰ ਲੈਕਚਰਾਰ ਵਰਗ, ਵੋਕੇਸ਼ਨਲ ਲੈਕਚਰਾਰ ਨੂੰ ਭੁਗਤਣਾ ਪਿਆ। 31 ਮਾਰਚ 2026 ਤਕਰੀਬਨ ਹੋਰ 100 ਲੈਕਚਰਾਰਜ਼ 25-30 ਸਾਲਾਂ ਦੀ ਸੇਵਾ ਕਰਨ ਉਪਰੰਤ ਸੇਵਾਮੁਕਤ ਹੋ ਗਏ ਹਨ ।
ਅਧਿਆਪਕਾਂ ਦੀ ਘਾਟ ਕਾਰਨ ਵਿਦਿਆਰਥੀਆਂ ਦੀ ਪੜ੍ਹਾਈ ਦਾ ਨੁਕਸਾਨ, ਸਿੱਖਿਆ ਬੋਰਡ ਦੇ ਨਤੀਜਿਆ ਵਿੱਚ ਦੇਰੀ,ਸਰਕਾਰੀ ਸਕੂਲਾਂ ਵਿੱਚ ਵਿਦਿਆਰਥੀਆਂ ਦੇ ਦਾਖਲੇ,ਸਕੂਲ ਵਿੱਚ ਵਿਦਿਆਰਥੀਆਂ ਦੀ ਗਿਣਤੀ ਘੱਟ ਹੋਣ ਦੇ ਸਪਸ਼ਟ ਪ੍ਰਭਾਵ ਪੈ ਰਹੇ ਹਨ।
ਗੌਰਮਿੰਟ ਸਕੂਲ ਲੈਕਚਰਾਰ ਯੂਨੀਅਨ ਪੰਜਾਬ ਦੇ ਜਨਰਲ ਸਕੱਤਰ ਬਲਰਾਜ ਸਿੰਘ ਬਾਜਵਾ ਅਤੇ ਸਕੱਤਰ ਜਨਰਲ ਰਵਿੰਦਰਪਾਲ ਸਿੰਘ ਬੈਂਸ ਨੇ ਦੱਸਿਆ ਲਕਿ ਮੁੱਖ ਦਫ਼ਤਰ ਵਿਖੇ
5 ਖਾਲੀ ਡਿਪਟੀ ਡਾਇਰੈਕਟਰ ਦੀਆਂ ਆਸਾਮੀਆਂ ਭਰਨ ਲਈ ਯੋਗ ਅਧਿਕਾਰੀ ਆਪਣੀ ਪਦਉੱਨਤ ਉਡੀਕ ਦੇ ਸੇਵਾਮੁਕਤ ਹੋ ਰਹੇ ਹਨ ਅਤੇ ਵਿਭਾਗ ਸੀਨੀਅਰ ਤਜਰਬੇਕਾਰ ਅਧਿਕਾਰੀਆਂ ਦੀ ਸੇਵਾ ਦਾ ਲਾਭ ਲੈਣ ਤੋਂ ਵਾਂਝਾ ਹੋ ਰਿਹਾ ਹੈ ਯੋਗ ਅਧਿਕਾਰੀਆਂ ਨੂੰ ਪਦਉੱਨਤ ਕਰ ਕੇ ਮੁਖ ਦਫਤਰ ਵਿੱਚ ਖਾਲੀ ਡਿਪਟੀ ਡਾਇਰੈਕਟਰ ਦੀ ਭਰੀਆਂ ਜਾਣ।
ਗੌਰਮਿੰਟ ਸਕੂਲ ਲੈਕਚਰਾਰ ਯੂਨੀਅਨ ਪੰਜਾਬ ਦੇ ਪ੍ਰਧਾਨ ਸੰਜੀਵ ਕੁਮਾਰ ਅਤੇ ਸੂਬਾ ਪ੍ਰੈੱਸ ਸਕੱਤਰ ਰਣਬੀਰ ਸਿੰਘ ਸੋਹਲ ਨੇ ਰੋਕੇ ਹੋਏ ਭੱਤੇ,16% ਡੀ. ਏ. ਦੀਆਂ ਕਿਸ਼ਤਾ ਜਾਰੀ ਕੀਤੀਆਂ ਜਾਣ, ।ਇਹ 70 ਸਾਲਾਂ ਵਿੱਚ ਪਹਿਲੀ ਵਾਰ ਹੈ ਕਿ ਕੋਈ ਡੀ.ਏ.ਦੀ ਕਿਸ਼ਤ ਪਿਛਲੇ ਸਾਲ ਜਾਰੀ ਨਹੀਂ ਕੀਤੀ ਗਈ ।
ਗੌਰਮਿੰਟ ਸਕੂਲ ਲੈਕਚਰਾਰ ਯੂਨੀਅਨ ਪੰਜਾਬ ਦੇ ਸੂਬਾਈ ਆਗੂਆਂ ਵਲੋਂ ਸਿੱਖਿਆ ਮੰਤਰੀ ,ਹਰਜੋਤ ਸਿੰਘ ਬੈਂਸ ਅਤੇ ਸਿੱਖਿਆ ਸਕੱਤਰ ਸੋਲਾਨੀ ਗਿਰੀ ਅਤੇ ਡਾਇਰੈਕਟਰ ਸਕੂਲ ਸਿੱਖਿਆ ਪੰਜਾਬ ਜੀ ਨੂੰ ਅਪੀਲ ਕੀਤੀ ਜਾ ਰਹੀ ਹੈ ਮੁੱਖ ਦਫ਼ਤਰ ਵਿੱਚ ਡਿਪਟੀ ਡਾਇਰੈਕਟਰ ਅਤੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਵਿੱਚ ਪ੍ਰਿਸੀਪਲ ਦੀਆਂ ਖਾਲੀ ਆਸਾਮੀਆਂ ਨੂੰ ਅਦਾਲਤ ਵਿੱਚ ਕੇਸ ਦੀ ਸਹੀ ਢੰਗ ਪੈਰਵਾਈ ਕਰਕੇ ਤਰੱਕੀ ਰਾਹੀ ਭਰਨ ਦੀ ਕਾਰਵਾਈ ਤੇਜ ਕੀਤੀ ਜਾਵੇ ਤਾਂ ਜੋ ਆਉਣ ਵਾਲੇ ਵਿਦਿਅਕ ਸੈਸ਼ਨ ਦੌਰਾਨ ਨਵੇਂ ਦਾਖ਼ਲੇ ਵਧ ਸਕਣ।ਇਸ ਮੀਟਿੰਗ ਵਿੱਚ ਜੱਥੇਬੰਦੀ ਦੇ ਮੁੱਖ ਸਲਾਹਕਾਰ ਸੁਖਦੇਵ ਸਿੰਘ ਰਾਣਾ,ਜਗਤਾਰ ਸਿੰਘ ਸੈਦੋ ਕੇ, ਅਮਨ ਸ਼ਰਮਾ,ਦਿਲਬਾਗ ਸਿੰਘ, ਨਾਇਬ ਸਿੰਘ, ਜਸਪਾਲ ਸਿੰਘ ਵਾਲੀਆ, ਬਲਦੀਸ਼ ਕੁਮਾਰ, ਕੁਲਦੀਪ ਗਰੋਵਰ, ਕੌਸ਼ਲ ਕੁਮਾਰ, ਲਖਵੀਰ ਸਿੰਘ, ਰਾਮਵੀਰ ਸਿੰਘ ਅਤੇ ਅਵਤਾਰ ਸਿੰਘ ਧਨੋਆ ਸ਼ਾਮਲ ਹੋਏ।
