ਗੁਰੂਹਰਸਹਾਏ, 31 ਜੁਲਾਈ,ਬੋਲੇ ਪੰਜਾਬ ਬਿਊਰੋ;
ਬੀਤੀ ਸ਼ਾਮ ਫਿਰੋਜ਼ਪੁਰ-ਫਾਜ਼ਿਲਕਾ ਜੀਟੀ ਰੋਡ ‘ਤੇ ਗੁੱਡੜ ਢਾਂਡੀ ਮੋੜ ਨੇੜੇ ਬਦਮਾਸ਼ਾਂ ਅਤੇ ਸੀਆਈਏ ਸਟਾਫ ਵਿਚਕਾਰ ਗੋਲੀਬਾਰੀ ਹੋਣ ਦੀ ਖ਼ਬਰ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਜਦੋਂ ਗੁਡੜ ਢਾਂਡੀ ਮੋੜ ‘ਤੇ ਬਦਮਾਸ਼ ਇੱਕ ਬਰਗਰ ਵਾਲੀ ਗੱਡੀ ਤੋਂ ਬਰਗਰ ਖਰੀਦ ਰਹੇ ਸਨ, ਤਾਂ ਉਨ੍ਹਾਂ ਦਾ ਪਿੱਛਾ ਕਰ ਰਿਹਾ ਬਠਿੰਡਾ ਤੋਂ ਸੀਆਈਏ ਸਟਾਫ ਉੱਥੇ ਪਹੁੰਚ ਗਿਆ। ਜਿਵੇਂ ਹੀ ਬਦਮਾਸ਼ਾਂ ਨੇ ਪੁਲਿਸ ਨੂੰ ਦੇਖਿਆ, ਉਹ ਆਪਣੀ ਕਾਰ ਲੈ ਕੇ ਗੁੱਡੜ ਢਾਂਡੀ ਪਿੰਡ ਵੱਲ ਭੱਜਣ ਲੱਗੇ। ਸੀਆਈਏ ਸਟਾਫ ਨੇ ਉਨ੍ਹਾਂ ਦਾ ਪਿੱਛਾ ਕੀਤਾ।
ਪੁਲਿਸ ਨੂੰ ਪਿੰਡ ਵਾਸੀਆਂ ਤੋਂ ਵੀ ਪੂਰਾ ਸਹਿਯੋਗ ਮਿਲਿਆ, ਜਿਸ ਦੀ ਮਦਦ ਨਾਲ ਚਾਰ ਤੋਂ ਪੰਜ ਬਦਮਾਸ਼ਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਗ੍ਰਿਫ਼ਤਾਰ ਕੀਤੇ ਗਏ ਬਦਮਾਸ਼ਾਂ ਨੂੰ ਲੱਖੋ ਦੇ ਨੇੜਲੇ ਬਹਿਰਾਮ ਥਾਣੇ ਲਿਜਾਇਆ ਗਿਆ ਹੈ, ਜਿੱਥੇ ਉਨ੍ਹਾਂ ਤੋਂ ਪੁੱਛਗਿੱਛ ਜਾਰੀ ਹੈ।
