ਬਠਿੰਡਾ, 18 ਅਗਸਤ,ਬੋਲੇ ਪੰਜਾਬ ਬਿਊਰੋ;
ਸਵਾਰੀਆਂ ਨਾਲ ਭਰੇ ਇੱਕ ਈ-ਰਿਕਸ਼ਾ ਨਾਲ ਵੱਡਾ ਹਾਦਸਾ ਵਾਪਰਨ ਦੀ ਖ਼ਬਰ ਹੈ। ਜਾਣਕਾਰੀ ਅਨੁਸਾਰ ਸਥਾਨਕ ਧੋਬੀ ਬਾਜ਼ਾਰ ਵਿੱਚ ਇੱਕ ਮੋਟਰਸਾਈਕਲ ਨਾਲ ਟਕਰਾਉਣ ਤੋਂ ਬਾਅਦ ਇੱਕ ਈ-ਰਿਕਸ਼ਾ ਪਲਟ ਗਿਆ, ਜਿਸ ਕਾਰਨ ਉਸ ਵਿੱਚ ਬੈਠੇ 5 ਲੋਕ ਜ਼ਖਮੀ ਹੋ ਗਏ। ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਸਹਾਰਾ ਜਨ ਸੇਵਾ ਦੀ ਲਾਈਫ ਸੇਵਿੰਗ ਬ੍ਰਿਗੇਡ ਹੈਲਪਲਾਈਨ ਟੀਮ ਦੇ ਸੰਦੀਪ ਗੋਇਲ ਹਾਦਸੇ ਵਾਲੀ ਥਾਂ ‘ਤੇ ਪਹੁੰਚੇ ਅਤੇ ਸਾਰੇ ਜ਼ਖਮੀਆਂ ਨੂੰ ਐਂਬੂਲੈਂਸ ਰਾਹੀਂ ਹਸਪਤਾਲ ਦੇ ਐਮਰਜੈਂਸੀ ਵਾਰਡ ਵਿੱਚ ਪਹੁੰਚਾਇਆ।
ਜ਼ਖਮੀਆਂ ਦੀ ਪਛਾਣ ਨੀਰਜ (ਉਮਰ 26) ਪੁੱਤਰ ਰਾਜਿੰਦਰ ਪਾਲ, ਨੀਰਜ ਦੀ ਪਤਨੀ ਨੀਸ਼ੂ (ਉਮਰ 21), ਧੀ ਚਾਹਤ (ਉਮਰ 1 ਮਹੀਨਾ), ਵਿਜੇ ਕੁਮਾਰ (ਉਮਰ 27) ਪੁੱਤਰ ਗੰਗਾ ਪ੍ਰਸਾਦ ਵਾਸੀ ਭਲੇਰੀਆ ਵਾਲਾ ਮੁਹੱਲਾ ਅਤੇ ਅਜੇ ਕੁਮਾਰ (ਉਮਰ 28) ਪੁੱਤਰ ਗੰਗਾ ਪ੍ਰਸਾਦ ਵਾਸੀ ਫਰੀਦਕੋਟ ਵਜੋਂ ਹੋਈ ਹੈ।
