ਰਾਜਪੁਰਾ, 23 ਅਗਸਤ,ਬੋਲੇ ਪੰਜਾਬ ਬਿਉਰੋ;
ਰੋਟਰੀ ਕਲੱਬ ਰਾਜਪੁਰਾ ਪ੍ਰਾਈਮ ਦੇ ਮੈਂਬਰਾਂ ਨੇ ਸਕੂਲ ਆਫ ਐਮੀਨੈਂਸ, ਮਹਿੰਦਰਗੰਜ ਰਾਜਪੁਰਾ ਦਾ ਦੌਰਾ ਕਰਦਿਆਂ ਵਿਦਿਆਰਥੀਆਂ ਲਈ ਸਾਫ਼ ਅਤੇ ਸੁਰੱਖਿਅਤ ਪੀਣ ਵਾਲੇ ਪਾਣੀ ਦੀ ਸੁਵਿਧਾ ਯਕੀਨੀ ਬਣਾਉਣ ਲਈ ਵਾਟਰ ਕੁਲਰ ਸਮੇਤ ਆਰ.ਓ. ਸਿਸਟਮ ਲਗਵਾਇਆ।
ਇਸ ਮੌਕੇ ਕਲੱਬ ਦੇ ਪ੍ਰਧਾਨ ਰੋਟੇਰੀਅਨ ਸੰਜੀਵ ਕੁਮਾਰ ਮਿੱਤਲ ਨੇ ਕਿਹਾ ਕਿ ਉਹਨਾਂ ਨੂੰ ਸਕੂਲ ਆਫ ਐਮੀਨੈਂਸ, ਮਹਿੰਦਰਗੰਜ ਰਾਜਪੁਰਾ ਨੂੰ ਵਾਟਰ ਕੂਲਰ ਅਤੇ ਆਰ. ਓ. ਭੇਟ ਕਰਨ ਦੀ ਬਹੁਤ ਖੁਸ਼ੀ ਹੈ। ਸਾਫ਼ ਪੀਣ ਵਾਲਾ ਪਾਣੀ ਹਰ ਵਿਅਕਤੀ ਦੀ ਮੂਲ ਲੋੜ ਹੈ ਅਤੇ ਉਹਨਾਂ ਨੂੰ ਪੂਰਾ ਵਿਸ਼ਵਾਸ ਹੈ ਕਿ ਇਹ ਸੁਵਿਧਾ ਵਿਦਿਆਰਥੀਆਂ ਦੀ ਸਿਹਤ ਅਤੇ ਤੰਦਰੁਸਤੀ ਲਈ ਲਾਭਦਾਇਕ ਸਾਬਤ ਹੋਵੇਗੀ। ਉਹਨਾਂ ਨੇ ਸਕੂਲ ਪ੍ਰਬੰਧਕਾਂ ਦਾ ਧੰਨਵਾਦ ਕੀਤਾ ਜਿਨ੍ਹਾਂ ਨੇ ਸੇਵਾ ਦਾ ਇਹ ਮੌਕਾ ਮੁਹੱਈਆ ਕਰਵਾਇਆ।
ਸਕੂਲ ਪ੍ਰਿੰਸੀਪਲ ਪੂਨਮ ਕੁਮਾਰੀ ਨੇ ਸਟਾਫ਼ ਦੇ ਨਾਲ ਮਿਲ ਕੇ ਰੋਟਰੀ ਕਲੱਬ ਰਾਜਪੁਰਾ ਪ੍ਰਾਈਮ ਦਾ ਧੰਨਵਾਦ ਕੀਤਾ ਅਤੇ ਇਸ ਮਹਾਨ ਯਤਨ ਨੂੰ ਵਿਦਿਆਰਥੀਆਂ ਦੀ ਭਲਾਈ ਪ੍ਰਤੀ ਉਨ੍ਹਾਂ ਦੀ ਵਚਨਬੱਧਤਾ ਨਾਲ ਜੋੜਿਆ।
ਇਹ ਪਹਿਲ ਰੋਟਰੀ ਕਲੱਬ ਰਾਜਪੁਰਾ ਪ੍ਰਾਈਮ ਦੇ ਸਮਾਜ ਸੇਵਾ ਪ੍ਰਤੀ ਲਗਾਤਾਰ ਯਤਨਾਂ ਅਤੇ ਸਿੱਖਿਆ ਵਿੱਚ ਵਿਦਿਆਰਥੀਆਂ ਦੀ ਭਲਾਈ ਲਈ ਕੀਤੀ ਜਾ ਰਹੀ ਵਚਨਬੱਧਤਾ ਨੂੰ ਦਰਸਾਉਂਦੀ ਹੈ।
ਇਸ ਮੌਕੇ ਚੇਅਰਮੈਨ ਰੋਟੇਰੀਅਨ ਵਿਮਲ ਜੈਨ, ਜਨਰਲ ਸਕੱਤਰ ਜਿਤੇਨ ਸਚਦੇਵਾ, ਖਜਾਨਚੀ ਸੰਦੀਪ ਸਿੱਕਾ, ਰਜਿੰਦਰ ਸਿੰਘ ਚਾਨੀ, ਪ੍ਰੋਜੈਕਟ ਚੇਅਰਮੈਨ ਆਦਰਸ਼ ਗੋਇਲ, ਪ੍ਰੋਜੈਕਟ ਕੋ ਚੇਅਰਮੈਨ ਅਜੇ ਅਗਰਵਾਲ, ਲਲਿਤ ਲਵਲੀ, ਰਾਜੀਵ ਪ੍ਰੇਮੀ, ਪੰਕਜ ਮਿੱਤਲ, ਜਤਿਨ ਗੋਇਲ, ਰਾਕੇਸ਼ ਵਰਮਾ ਦੇ ਨਾਲ ਸਿਲਕੀ ਮੈਣੀ ਮੈਥ ਮਿਸਟ੍ਰੈੱਸ, ਲੈਕਚਰਾਰ ਡਾ. ਨੀਰਜ ਸ਼ਰਮਾ, ਸੋਨੀਆ ਕੁਮਾਰ, ਮਿੰਨਾ ਸੇਠੀ, ਕਿਰਨ ਵਰਮਾ, ਸੰਜੀਵ ਗਰਗ ਅਤੇ ਨੀਰਜ ਕੁਮਾਰ ਵੀ ਹਾਜ਼ਰ ਸਨ।
