ਪਟਨਾ, 24 ਸਤੰਬਰ,ਬੋਲੇ ਪੰਜਾਬ ਬਿਊਰੋ;
ਬਿਹਾਰ ਦੇ ਸੁਪੌਲ ਜ਼ਿਲ੍ਹੇ ਵਿੱਚ ਮੰਗਲਵਾਰ ਸ਼ਾਮ ਨੂੰ ਇੱਕ ਵੱਡਾ ਕਿਸ਼ਤੀ ਹਾਦਸਾ ਵਾਪਰਿਆ। ਜਾਣਕਾਰੀ ਅਨੁਸਾਰ, ਗੁੜੀਆ ਪੰਚਾਇਤ ਦੇ ਬੇਲਾਪੱਟੀ ਵਾਰਡ ਨੰਬਰ 1 ’ਚ ਬੇਂਗਾ ਨਦੀ ਤੋਂ ਘਰ ਵਾਪਸੀ ਦੌਰਾਨ ਘਾਹ ਨਾਲ ਭਰੀ ਕਿਸ਼ਤੀ ਅਚਾਨਕ ਨਦੀ ਦੇ ਵਿਚਕਾਰ ਪਲਟ ਗਈ।
ਕਿਸ਼ਤੀ ’ਤੇ ਕੁੱਲ 12 ਲੋਕ ਸਵਾਰ ਸਨ, ਜਿਨ੍ਹਾਂ ਵਿੱਚ 10 ਔਰਤਾਂ ਅਤੇ 2 ਮਲਾਹ ਸ਼ਾਮਲ ਸਨ। ਹਾਦਸੇ ’ਚ ਇੱਕ ਵਿਅਕਤੀ ਦੀ ਮੌਤ ਦੀ ਪੁਸ਼ਟੀ ਹੋ ਚੁੱਕੀ ਹੈ, ਜਦੋਂ ਕਿ ਚਾਰ ਹੋਰ ਲੋਕਾਂ ਦੀ ਖੋਜ ਜਾਰੀ ਹੈ।
ਪ੍ਰਸ਼ਾਸਨ ਦੀਆਂ ਟੀਮਾਂ ਰਾਹਤ ਅਤੇ ਬਚਾਅ ਕਾਰਜ ’ਚ ਜੁੱਟੀਆਂ ਹੋਈਆਂ ਹਨ। ਸਥਾਨਕ ਲੋਕਾਂ ਨੇ ਵੀ ਨਦੀ ’ਚ ਉਤਰ ਕੇ ਬਚਾਉ ਕੰਮ ਵਿੱਚ ਸਹਿਯੋਗ ਦਿੱਤਾ।
