ਫ਼ਤਹਿਗੜ੍ਹ ਸਾਹਿਬ,19, ਦਸੰਬਰ (ਮਲਾਗਰ ਖਮਾਣੋਂ) ;
ਪੰਜਾਬ ਵਾਟਰ ਸਪਲਾਈ ਤੇ ਸੀਵਰੇਜ਼ ਬੋਰਡ ਆਊਟਸੋਰਸ ਵਰਕਰਜ਼ ਯੂਨੀਅਨ ਰਜਿ: ਵੱਲੋਂ ਪਿਛਲੇ ਲੰਬੇ ਸਮੇਂ ਤੋਂ ਵਰਕਰਾਂ ਦੀਆਂ ਪੰਜਾਬ ਪੱਧਰੀ ਮੰਗਾਂ ਸਬੰਧੀ ਲਗਾਤਾਰ ਸੰਘਰਸ਼ ਕਰ ਰਹੇ ਸਨ ਇਸ ਮੌਕੇ ਪੰਜਾਬ ਪ੍ਧਾਨ ਗੁਰਦੇਵ ਸਿੰਘ ਨਿਹੰਗ ਨੇ ਕਿਹਾ ਕਿ ਅਗਸਤ ਮਹੀਨੇ ਜਥੇਬੰਦੀ ਦੇ ਪੰਜਾਬ ਪੱਧਰੀ ਚਲਦੇ ਸੰਘਰਸ਼ ਦੌਰਾਨ ਅਫਸਰਸਾਹੀ ਸਰਕਾਰ ਵੱਲੋਂ ਮੌੜ ਮੰਡੀ ਦੇ ਪੰਦਰਾਂ ਵਰਕਰਾਂ ਤੇ ਝੂਠੇ ਪਰਚੇ ਪਾ ਕੇ ਜੇਲਾਂ ਵਿੱਚ ਭੇਜਿਆ ਗਿਆ ਅਤੇ ਨੌਕਰੀ ਤੋਂ ਵੀ ਫਾਰਗ ਕੀਤਾ ਗਿਆ ਉਸ ਮੌਕੇ ਪੰਜਾਬ ਪੱਧਰੀ ਹੜਤਾਲ ਮੁੱਖ ਕਾਰਜਕਾਰੀ ਅਫਸਰ ਵੱਲੋਂ ਇਹ ਕਹਿ ਕੇ ਚੁਕਵਾਈ ਗਈ ਕਿ ਮੌੜ ਮੰਡੀ ਵਰਕਰਾਂ ਤੇ ਪਾਏ ਪਰਚੇ ਰੱਦ ਕੀਤੇ ਜਾਣਗੇ ਅਤੇ ਵਰਕਰਾਂ ਨੂੰ ਕੰਮਾਂ ਤੇ ਰੱਖਿਆ ਜਾਵੇਗਾ | ਪਰ ਉਸ ਤੋਂ ਬਾਅਦ ਨਾ ਹੀ ਵਰਕਰਾਂ ਨੂੰ ਕੰਮਾਂ ਤੇ ਰੱਖਿਆ ਗਿਆ ਤੇ ਨਾ ਹੀ ਪਰਚੇ ਰੱਦ ਕੀਤੇ ਗਏ ਸਗੋਂ ਸਰਕਾਰ ਵੱਲੋਂ ਵਾਰ ਵਾਰ ਜਥੇਬੰਦੀ ਨੂੰ ਮੀਟਿੰਗਾਂ ਦੇ ਕੇ ਪੋਸਟਪੋਨ ਕੀਤਾ ਜਾ ਰਿਹਾ ਹੈ। ਇਸ ਦੇ ਰੋਸ ਵਜੋ ਹੀ 22 ਦਸੰਬਰ ਨੂੰ ਮੁੱਖ ਮੰਤਰੀ ਦੇ ਸਹਿਰ ਧੂਰੀ ਵਿਖੇ ਜਬਰਦਸਤ ਰੋਸ ਮਾਰਚ ਅਤੇ ਤਿੰਨ ਦਿਨਾਂ ਪੰਜਾਬ ਪੱਧਰੀ 23,24,25 ਦਸੰਬਰ ਦੀ ਪੰਜਾਬ ਭਰ ਵਿਚ ਹੜਤਾਲ ਕੀਤੀ ਜਾਵੇਗੀ | ਜਿਸਦੀ ਪੂਰੀ ਜਿੰਮੇਵਾਰੀ ਪ੍ਸਾਸਨ ਦੀ ਹੋਵੇਗੀ
