ਨਵੀਂ ਦਿੱਲੀ, , 5 ਅਪ੍ਰੈਲ ,ਬੋਲੇ ਪੰਜਾਬ ਬਿਊਰੋ;
ਬ੍ਰਾਜ਼ੀਲ ਵਿੱਚ ਇੱਕ ਛੋਟਾ ਜਹਾਜ਼ ਇੱਕ ਰੈਸਟੋਰੈਂਟ ‘ਤੇ ਡਿੱਗ ਗਿਆ, ਇਸ ਹਾਦਸੇ ‘ਚ ਵਿੱਚ ਚਾਰ ਲੋਕਾਂ ਦੀ ਮੌਤ ਹੋ ਗਈ। ਇਹ ਹਾਦਸਾ ਰੀਓ ਗ੍ਰਾਂਡੇ ਦੋ ਸੁਲ ਰਾਜ ਵਿੱਚ ਵਾਪਰਿਆ। ਪਾਈਪਰ ਮਾਲੀਬੂ ਜਹਾਜ਼, ਜੋ ਕਿ ਸਾਓ ਪੌਲੋ ਤੋਂ ਕਾਪਾਓ ਦਾ ਕੈਨੋਆ ਹਵਾਈ ਅੱਡੇ ਵੱਲ ਜਾ ਰਿਹਾ ਸੀ, ਲੈਂਡਿੰਗ ਤੋਂ ਠੀਕ ਪਹਿਲਾਂ ਇੱਕ ਖੰਭੇ ਨਾਲ ਟਕਰਾ ਗਿਆ ਅਤੇ ਫਿਰ ਇੱਕ ਰੈਸਟੋਰੈਂਟ ‘ਤੇ ਜਾ ਡਿੱਗਿਆ, ਜਿਸ ਕਾਰਨ ਅੱਗ ਲੱਗ ਗਈ। ਇਸ ਹਾਦਸੇ ਵਿੱਚ ਪਾਇਲਟ ਅਤੇ ਇੱਕ ਜੋੜੇ ਸਮੇਤ ਤਿੰਨ ਯਾਤਰੀਆਂ ਦੀ ਮੌਤ ਹੋ ਗਈ।
ਰਾਹਤ ਵਾਲੀ ਗੱਲ ਇਹ ਰਹੀ ਕਿ ਜਦੋਂ ਜਹਾਜ਼ ਟਕਰਾਇਆ ਤਾਂ ਰੈਸਟੋਰੈਂਟ ਬੰਦ ਸੀ, ਇਸ ਲਈ ਜ਼ਮੀਨ ‘ਤੇ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਹਾਲਾਂਕਿ, ਨੇੜਲੇ ਲੋਕ ਸੁਰੱਖਿਅਤ ਬਚ ਗਏ। ਹਾਦਸੇ ਤੋਂ ਬਾਅਦ, ਰੈਸਟੋਰੈਂਟ ਵਿੱਚ ਭਾਰੀ ਅੱਗ ਲੱਗ ਗਈ, ਜਿਸ ਨਾਲ ਕਾਲਾ ਧੂੰਆਂ ਅਸਮਾਨ ਵਿੱਚ ਫੈਲ ਗਿਆ। ਸਿਵਲ ਡਿਫੈਂਸ ਟੀਮਾਂ ਨੇ ਨੇੜਲੇ ਘਰਾਂ ਵਿੱਚ ਰਹਿਣ ਵਾਲੇ ਨਿਵਾਸੀਆਂ ਨੂੰ ਬਾਹਰ ਕੱਢਿਆ। ਇੱਕ ਨੇੜਲੀ ਦੁਕਾਨ ਨੂੰ ਵੀ ਨੁਕਸਾਨ ਪਹੁੰਚਿਆ। ਰਾਜ ਦੇ ਗਵਰਨਰ ਐਡੁਆਰਡੋ ਲੀਟ ਨੇ ਕਿਹਾ ਕਿ ਉਹ ਸ਼ੁਰੂ ਤੋਂ ਹੀ ਸਥਿਤੀ ਦੀ ਨਿਗਰਾਨੀ ਕਰ ਰਹੇ ਹਨ ਅਤੇ ਸਾਰੀਆਂ ਸੁਰੱਖਿਆ ਏਜੰਸੀਆਂ ਨੂੰ ਤਾਇਨਾਤ ਕਰ ਦਿੱਤਾ ਗਿਆ ਹੈ।
