ਚੰਡੀਗੜ੍ਹ, 25 ਜੁਲਾਈ, ਬੋਲੇ ਪੰਜਾਬ ਬਿਊਰੋ :
ਕੈਨੇਡਾ ਵਿੱਚ ਕੈਨੇਡਾ ਤੇ ਅਮਰੀਕਾ ਦੀਆਂ ਏਜੰਸੀਆਂ ਨੇ ਇੱਕ ਸਾਂਝੇ ਆਪ੍ਰੇਸ਼ਨ ਰਾਹੀਂ ਇੱਕ ਵੱਡੇ ਡਰੱਗ ਨੈੱਟਵਰਕ ਦਾ ਪਰਦਾਫਾਸ਼ ਕੀਤਾ ਹੈ। ਪੁਲਿਸ ਨੇ ਲਗਭਗ 1.7 ਟਨ ਗੈਰ-ਕਾਨੂੰਨੀ ਨਸ਼ੀਲੇ ਪਦਾਰਥ ਜ਼ਬਤ ਕੀਤੇ ਹਨ ਅਤੇ 21 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਗ੍ਰਿਫ਼ਤਾਰ ਕੀਤੇ ਗਏ ਲੋਕਾਂ ਵਿੱਚੋਂ 13 ਪੰਜਾਬੀ ਮੂਲ ਦੇ ਦੱਸੇ ਜਾ ਰਹੇ ਹਨ।
ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਜ਼ਬਤ ਕੀਤੇ ਗਏ ਨਸ਼ੀਲੇ ਪਦਾਰਥਾਂ ਦੀ ਅਨੁਮਾਨਤ ਕੀਮਤ $139 ਮਿਲੀਅਨ (ਲਗਭਗ ₹1,160 ਕਰੋੜ) ਤੋਂ ਵੱਧ ਹੈ। ਜਾਂਚ ਏਜੰਸੀਆਂ ਦੇ ਅਨੁਸਾਰ, ਇਹ ਗਿਰੋਹ ਵਪਾਰਕ ਟਰੱਕਿੰਗ ਉਦਯੋਗ ਅਤੇ ਜਾਇਜ਼ ਸਪਲਾਈ ਚੇਨਾਂ ਦਾ ਇਸਤੇਮਾਲ ਕਰਕੇ ਅੰਤਰਰਾਸ਼ਟਰੀ ਸਰਹੱਦ ਪਾਰ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਕਰ ਰਿਹਾ ਸੀ।
ਗ੍ਰਿਫ਼ਤਾਰ ਕੀਤੇ ਗਏ ਵਿਅਕਤੀਆਂ ਵਿੱਚ ਗਗਨਦੀਪ ਥਿੰਦਲ (27), ਸਿਮਰਨਜੀਤ ਸਿੰਘ (32), ਕੰਵਰਪਾਲ ਕੁਲਾਰ (32), ਜਤਿੰਦਰਦੀਪ ਸਿੰਘ (39), ਜਸਵਿੰਦਰ ਸੋਹੀ (55), ਤੇਜਵਿੰਦਰ ਸੰਧੂ (29), ਹਰਵਿੰਦਰ ਸੰਧੂ (33), ਹਨਿੰਦਰਪਾਲ ਗਰੇਵਾਲ (34), ਮੁਹੰਮਦ ਬਿਨਹਾਸਨ (41), ਮਿਸ਼ੇਲ ਗੁਸਕੋਨ (24), ਗੁਣਦੀਪ ਧਾਰੀਵਾਲ (32),ਸ਼ੌਨ ਬੱਟੇ (44), ਜ਼ੈਨ ਖਵਾਜਾ (28), ਵਿਲੀ ਸ਼ਵਾਰਟਜ਼ (30), ਮਹਿਕਪ੍ਰੀਤ ਸਿੰਘ (24), ਕਰਨਦੀਪ ਸਿੰਘ (27), ਤਰਮਿੰਦਰ ਸਿੰਘ (19), ਸਟੀਵ ਸਕੁਸੋਲਿਨ (32) ਅਤੇ ਅਵਤਾਰ ਸਹੋਤਾ (54) ਸ਼ਾਮਲ ਹਨ।
