ਮੋਹਾਲੀ 30 ਅਗਸਤ ,ਬੋਲੇ ਪੰਜਾਬ ਬਿਊਰੋ;
ਸਾਹਿਤ ਵਿਗਿਆਨ ਕੇਂਦਰ ਚੰਡੀਗੜ੍ਹ ਦੀ ਮਾਸਿਕ ਮੀਟਿੰਗ ਰੋਟਰੀ ਭਵਨ, ਸੈਕਟਰ 70 ਮੋਹਾਲੀ ਵਿਖੇ ਹੋਈ ਜਿਸ ਦੇ ਪ੍ਰਧਾਨਗੀ ਮੰਡਲ ਵਿਚ ਡਾ. ਮਨਜੀਤ ਸਿੰਘ ਬੱਲ, ਪ੍ਰਸਿੱਧ ਸਾਹਿਤਕਾਰਾ ਪਰਮਜੀਤ ਕੌਰ ਪਰਮ, ਕੇਂਦਰ ਦੇ ਮੀਤ ਪ੍ਰਧਾਨ ਬਲਵਿੰਦਰ ਸਿੰਘ ਢਿੱਲੋਂ, ਕੇਂਦਰ ਦੇ ਪ੍ਰਧਾਨ ਗੁਰਦਰਸ਼ਨ ਸਿੰਘ ਮਾਵੀ ਅਤੇ ਸਟੇਜ ਸਕੱਤਰ ਭਰਪੂਰ ਸਿੰਘ ਸ਼ਾਮਲ ਸਨ।ਸ਼ੁਰੂ ਵਿਚ ਕੇੰਦਰ ਦੇ ਪ੍ਰਧਾਨ ਨੇ ਦੱਸਿਆ ਕਿ ਉਹ ਆਸਟ੍ਰੇਲੀਆ ਜਾ ਰਹੇ ਹਨ ਅਤੇ ਕੇਂਦਰ ਚਲਾਉਣ ਦੀ ਜਿੰਮੇਵਾਰੀ ਪਰਮਜੀਤ ਪਰਮ, ਭਰਪੂਰ ਸਿੰਘ ਅਤੇ ਬਲਵਿੰਦਰ ਸਿੰਘ ਢਿੱਲੋਂ ਦੀ ਹੋਵੇਗੀ।
ਉਹਨਾਂ ਨੇ ਸਭ ਨੂੰ “ਜੀ ਆਇਆਂ ਆਖਿਆ” ਅਤੇ ਉਹਨਾਂ ਦੀ ਗੈਰ ਹਾਜ਼ਰੀ ਵਿਚ ਨਵੀਂ ਟੀਮ ਨਾਲ ਸਹਿਯੋਗ ਕਰਨ ਦੀ ਅਪੀਲ ਕੀਤੀ।ਪ੍ਰਤਾਪ ਪਾਰਸ, ਰੂਪ ਸਿੰਘ ਦਿਓਲ, ਦਰਸ਼ਨ ਤਿਉਣਾ,ਰਤਨ ਬਾਬਕਵਾਲਾ,ਸੁਖਦੇਵ ਸਿੰਘ ਕਾਹਲੋਂ,ਲਾਭ ਸਿੰਘ ਲਹਿਲੀ,ਹਰਜੀਤ ਸਿੰਘ, ਤਰਸੇਮ ਰਾਜ,ਮਲਕੀਤ ਨਾਗਰਾ,ਮੰਦਰ ਗਿੱਲ ਸਾਹਿਬਚੰਦੀਆ, ਬਲਵਿੰਦਰ ਸਿੰਘ ਢਿੱਲੋਂ, ਭਰਪੂਰ ਸਿੰਘ ਨੇ ਵਧੀਆ ਪੰਜਾਬੀ ਗੀਤ ਗਾ ਕੇ ਸਰੋਤੇ ਝੂਮਣ ਲਾ ਦਿੱਤੇ। ਗੁਰਮੇਲ ਸਿੰਘ ਮੌਜੌਵਾਲ, ਨਰਿੰਦਰ ਕੌਰ ਲੌਂਗੀਆ, ਸੁਰਿੰਦਰ ਕੁਮਾਰ, ਸਵਰਨਜੀਤ ਸਿੰਘ, ਤਿਲਕ ਸੇਠ ( ਹਿੰਦੀ ਵਿਚ), ਬਲਜੀਤ ਕੌਰ ਢਿੱਲੋਂ, ਮਨਦੀਪ ਸੋਹਲ, ਭਗਵੰਤ ਸਿੰਘ, ਸ਼ਮਸ਼ੇਰ ਸਿੰਘ ਗਾਫਿਲ, ਜਸ਼ਨਦੀਪ ਕੌਰ, ਸਰਬਜੀਤ ਸਿੰਘ ਪੱਡਾ,ਗੁਰਦਰਸ਼ਨ ਸਿੰਘ ਮਾਵੀ,ਰਜਿੰਦਰ ਰੇਨੂੰ, ਮਲਕੀਤ ਬਸਰਾ, ਨੇ ਸਮਾਜਿਕ ਸਰੋਕਾਰ ਵਾਲੀਆਂ ਖੂਬਸੂਰਤ ਕਵਿਤਾਵਾਂ ਪੇਸ਼ ਕੀਤੀਆਂ। ਬਾਬੂ ਰਾਮ ਦੀਵਾਨਾ,ਪ੍ਰਲਾਦ ਸਿੰਘ,ਮਹਿੰਦਰ ਸਿੰਘ ਗੋਸਲ,ਨੇ ਤਰੰਨਮ ਵਿਚ ਗਜ਼ਲਾਂ ਪੇਸ਼ ਕੀਤੀਆਂ। ਡਾ. ਬੱਲ ਨੇ ਪ੍ਰਧਾਨਗੀ ਭਾਸ਼ਨ ਵਿਚ ਦੱਸਿਆ ਉਹਨਾਂ ਵਲੋਂ ਬਣਾਈ ਲਘੂ-ਫਿਲਮ 12 ਸਤੰਬਰ ਨੂੰ ਟੀ.ਐੱਸ.ਸੈਂਟਰਲ ਸਟੇਟ ਲਾਇਬ੍ਰੇਰੀ ਵਿਖੇ ਵਿਖਾਈ ਜਾਏਗੀ। ਉਹਨਾਂ ਨੇ ਉਸ ਫਿਲਮ ਦਾ ਇਕ ਗੀਤ ਗਾ ਕੇ ਸੁਣਾਇਆ। ਪਰਮਜੀਤ ਪਰਮ ਨੇ ਅੱਜ ਦੇ ਸੋਹਣੇ ਪ੍ਰੋਗਰਾਮ ਲਈ ਸਭ ਦਾ ਧੰਨਵਾਦ ਕੀਤਾ ਅਤੇ ਇਸ ਕੇਂਦਰ ਦੇ ਪ੍ਰੋਗਰਾਮ, ਵਧੀਆ ਢੰਗ ਨਾਲ ਕਰਾਉਣ ਦੀ ਜਿੰਮੇਵਾਰੀ ਲਈ।ਸਟੇਜ ਦਾ ਸੰਚਾਲਨ ਭਰਪੂਰ ਸਿੰਘ ਨੇ ਬੜੇ ਸੁਚੱਜੇ ਢੰਗ ਨਾਲ ਕੀਤਾ।
