ਨਜ਼ਮਾ ਖਾਨ ਦੀ ਆਵਾਜ਼ ਵਿੱਚ ਰਿਲੀਜ਼ ਹੋਇਆ ਨਵਾਂ ਪੰਜਾਬੀ ਗੀਤ, ‘ਲਿਖ-ਲਿਖ ਭੇਜਦੀ ਸੀ ਖੂਨ ਨਾਲ ਖ਼ਤ ਵੇ’ ਬੋਲਾਂ ਨੇ ਖਿੱਚਿਆ ਧਿਆਨ
ਦੋਵੇਂ ਗੀਤ ਭੱਟੀ ਭੜੀ ਵਾਲਾ ਵੱਲੋਂ ਹੀ ਲਿਖੇ ਗਏ ਹਨ
ਚੰਡੀਗੜ੍ਹ, 22 ਅਕਤੂਬਰ,ਬੋਲੇ ਪੰਜਾਬ ਬਿਊਰੋ(ਹਰਦੇਵ ਚੌਹਾਨ)
ਪੰਜਾਬੀ ਸੰਗੀਤ ਜਗਤ ਵਿੱਚ ਪਿਆਰ, ਸ਼ਿਕਾਇਤ ਅਤੇ ਭਾਵਨਾਵਾਂ ਨੂੰ ਨਵੇਂ ਅੰਦਾਜ਼ ਵਿੱਚ ਪੇਸ਼ ਕਰਨ ਵਾਲਾ ਗੀਤ ‘ਇਲਜ਼ਾਮ’ ਚਰਚਾ ਵਿੱਚ ਹੈ। ਸੁਪਰਸਟਾਰ ਦੁਰਗਾ ਰੰਗੀਲਾ ਦੇ ਸੁਪਰਹਿੱਟ ਗੀਤ ‘ਰੱਬ ਵਰਗਾ ਸੀ ਤੇਰਾ ਯਾਰ’ ਦੀਆਂ ਸੰਗੀਤਕ ਯਾਦਾਂ ਨੂੰ ਅੱਗੇ ਵਧਾਉਂਦਿਆਂ ਉਹਨਾਂ ਦੀ ਭਤੀਜੀ ਨਜ਼ਮਾ ਖਾਨ ਨੇ ਆਪਣੇ ਨਵੇਂ ਗੀਤ ‘ਇਲਜ਼ਾਮ’ ਰਾਹੀਂ ਇੱਕ ਵੱਖਰੀ ਭਾਵਨਾਤਮਕ ਅਭਿਵਿਅਕਤੀ ਪੇਸ਼ ਕੀਤੀ ਹੈ। ‘ਲਿਖ-ਲਿਖ ਭੇਜਦੀ ਸੀ ਖੂਨ ਨਾਲ ਖ਼ਤ ਵੇ’ ਬੋਲਾਂ ਵਾਲਾ ਇਹ ਗੀਤ ਪਿਆਰ ਅਤੇ ਰਿਸ਼ਤਿਆਂ ਨਾਲ ਜੁੜੇ ਜਜ਼ਬਾਤਾਂ ਨੂੰ ਆਵਾਜ਼ ਦਿੰਦਾ ਹੈ।
ਚੰਡੀਗੜ੍ਹ ਦੇ ਸੈਕਟਰ 7 ਸਥਿਤ ‘ਢਾਬਾ-7’ ਰੈਸਟੋਰੈਂਟ ਵਿੱਚ ਵੀਰਵਾਰ ਨੂੰ ਇਸ ਗੀਤ ਨਾਲ ਸਬੰਧਤ ਜਾਣਕਾਰੀ ਸਾਂਝੀ ਕੀਤੀ ਗਈ। ਗੀਤ ਨੂੰ ਨਜ਼ਮਾ ਖਾਨ ਨੇ ਆਪਣੀ ਆਵਾਜ਼ ਦਿੱਤੀ ਹੈ, ਜਦਕਿ ਇਸ ਦੇ ਬੋਲ ਭੱਟੀ ਭਰੀ ਵਾਲਾ ਨੇ ਲਿਖੇ ਹਨ। ਗੀਤ ਦਾ ਸੰਗੀਤ ਹਰਸ਼ ਰੰਗੀਲਾ ਨੇ ਤਿਆਰ ਕੀਤਾ ਹੈ ਅਤੇ ਵੀਡੀਓ ਨਿਰਦੇਸ਼ਨ ਦੀ ਜ਼ਿੰਮੇਵਾਰੀ ਬੌਬੀ ਬਾਜਵਾ ਨੇ ਸੰਭਾਲੀ ਹੈ।
ਗੀਤ ਦੀ ਸ਼ੂਟਿੰਗ ਹਿਮਾਚਲ ਪ੍ਰਦੇਸ਼ ਦੀਆਂ ਖੂਬਸੂਰਤ ਚਾਇਲ ਦੀਆਂ ਵਾਦੀਆਂ ਵਿੱਚ ਕੀਤੀ ਗਈ ਹੈ। ਪਹਾੜਾਂ ਦੇ ਕੁਦਰਤੀ ਨਜ਼ਾਰਿਆਂ ਵਿਚਕਾਰ ਫਿਲਮਾਏ ਗਏ ਵੀਡੀਓ ਵਿੱਚ ਗੀਤ ਦੀ ਕਹਾਣੀ ਅਤੇ ਭਾਵਨਾਵਾਂ ਨੂੰ ਆਕਰਸ਼ਕ ਅੰਦਾਜ਼ ਵਿੱਚ ਪੇਸ਼ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਹੈ।
ਪੰਜਾਬੀ ਸੰਗੀਤ ਪ੍ਰੇਮੀਆਂ ਵਿਚਾਲੇ ਦੁਰਗਾ ਰੰਗੀਲਾ ਦੇ ਗੀਤ ‘ਰੱਬ ਵਰਗਾ ਸੀ ਤੇਰਾ ਯਾਰ’ ਦੀ ਖਾਸ ਪਛਾਣ ਰਹੀ ਹੈ। ਹੁਣ ਉਸੇ ਸੰਗੀਤਕ ਹਵਾਲੇ ਨਾਲ ਜੁੜ ਕੇ ਨਜ਼ਮਾ ਖਾਨ ਦਾ ਨਵਾਂ ਗੀਤ ‘ਇਲਜ਼ਾਮ’ ਸਰੋਤਿਆਂ ਸਾਹਮਣੇ ਆਇਆ ਹੈ। ਪੁਰਾਣੇ ਗੀਤ ਦੀ ਭਾਵਨਾਤਮਕ ਵਿਰਾਸਤ ਅਤੇ ਨਵੇਂ ਗੀਤ ਦੀ ਪੇਸ਼ਕਾਰੀ ਦਾ ਇਹ ਮੇਲ ਪੰਜਾਬੀ ਸੰਗੀਤ ਪ੍ਰੇਮੀਆਂ ਲਈ ਖਾਸ ਖਿੱਚ ਬਣ ਸਕਦਾ ਹੈ।
