ਚੰਡੀਗੜ੍ਹ, 14 ਮਈ, ਬੋਲੇ ਪੰਜਾਬ ਬਿਊਰੋ :
ਵੇਰਕਾ ਨੇ ਪੰਜਾਬ ਵਿੱਚ ਦੁੱਧ ਦੀਆਂ ਕੀਮਤਾਂ ਵਿੱਚ 2 ਰੁਪਏ ਪ੍ਰਤੀ ਲੀਟਰ ਤੱਕ ਦਾ ਵਾਧਾ ਕੀਤਾ ਹੈ। ਮਿਲਕਫੈੱਡ (ਵੇਰਕਾ) ਦੁਆਰਾ ਜਾਰੀ ਇੱਕ ਅਧਿਕਾਰਤ ਨੋਟੀਫਿਕੇਸ਼ਨ ਦੇ ਅਨੁਸਾਰ, ਸੋਧੀਆਂ ਕੀਮਤਾਂ ਅੱਜ 14 ਮਈ (ਵੀਰਵਾਰ) ਦੀ ਸਵੇਰ ਤੋਂ ਲਾਗੂ ਹੋ ਗਈਆਂ ਹਨ।
ਇਹ ਵਾਧਾ ਫੁੱਲ ਕਰੀਮ, ਸਟੈਂਡਰਡ, ਟੋਨਡ ਅਤੇ ਗਊ ਦੁੱਧ ‘ਤੇ ਲਾਗੂ ਹੋਵੇਗਾ। ਨਤੀਜੇ ਵਜੋਂ, ਪੰਜਾਬ ਭਰ ਦੇ ਗਾਹਕਾਂ ਨੂੰ ਹੁਣ ਦੁੱਧ ਖਰੀਦਣ ਲਈ ਆਪਣੀਆਂ ਜੇਬਾਂ ਢਿੱਲੀਆਂ ਕਰਨੀਆਂ ਪੈਣਗੀਆਂ।
ਇਸ ਤੋਂ ਪਹਿਲਾਂ, ਗੁਜਰਾਤ ਸਹਿਕਾਰੀ ਦੁੱਧ ਮਾਰਕੀਟਿੰਗ ਫੈਡਰੇਸ਼ਨ ਨੇ ਅਮੂਲ ਦੁੱਧ ਅਤੇ ਪੈਕਡ ਦੁੱਧ ਦੇ ਸਾਰੇ ਪ੍ਰਮੁੱਖ ਰੂਪਾਂ ਦੀਆਂ ਕੀਮਤਾਂ ਵਿੱਚ 2 ਰੁਪਏ ਦਾ ਵਾਧਾ ਕੀਤਾ ਸੀ।
