ਨਵੀਂ ਦਿੱਲੀ, 22 ਅਕਤੂਬਰ, ਬੋਲੇ ਪੰਜਾਬ ਬਿਊਰੋ :
ਕਾਂਗਰਸ ਨੇਤਾ ਸੋਨੀਆ ਗਾਂਧੀ ਨੇ ਵੀਰਵਾਰ ਨੂੰ ਪਹਿਲੀ ਵਾਰ ਆਪਣਾ ਇੰਸਟਾਗ੍ਰਾਮ ਖਾਤਾ ਬਣਾਇਆ। ਆਪਣੀ ਪਹਿਲੀ ਪੋਸਟ ਵਿੱਚ, ਉਨ੍ਹਾਂ ਨੇ ਆਪਣੀ ਆਉਣ ਵਾਲੀ ਕਿਤਾਬ, ‘ਬਿਲੌਂਗਿੰਗ: ਏ ਜਰਨੀ ਆਫ਼ ਲਵ’ (Belonging: A Journey of Love) ਬਾਰੇ ਇੱਕ ਵੀਡੀਓ ਸਾਂਝੀ ਕੀਤੀ, ਜੋ 10 ਨਵੰਬਰ ਨੂੰ ਜਾਰੀ ਹੋਣ ਵਾਲੀ ਹੈ।
ਸੋਨੀਆ ਨੇ ਅੱਜ ਵੀਰਵਾਰ ਸਵੇਰੇ ਕਰੀਬ 9:00 ਵਜੇ ਆਪਣੀ ਪਹਿਲੀ ਪੋਸਟ ਕੀਤੀ। ਦੁਪਹਿਰ 12:00 ਵਜੇ ਤੱਕ, ਇਸ ਨੂੰ 59,000 ਲਾਈਕਸ ਮਿਲ ਚੁੱਕੇ ਸਨ ਅਤੇ ਉਨ੍ਹਾਂ ਦੇ 13,000 ਫਾਲੋਅਰਜ਼ ਬਣ ਗਏ ਸਨ। ਆਪਣੇ ਖਾਤੇ ਰਾਹੀਂ ਸੋਨੀਆ ਗਾਂਧੀ -ਰਾਹੁਲ ਗਾਂਧੀ, ਪ੍ਰਿਅੰਕਾ ਗਾਂਧੀ ਵਾਡਰਾ ਅਤੇ ਇੰਡੀਅਨ ਨੈਸ਼ਨਲ ਕਾਂਗਰਸ ਨੂੰ ਫਾਲੋ ਕਰ ਰਹੀ ਹੈ।
ਆਪਣੀ ਪੋਸਟ ਵਿੱਚ, ਸੋਨੀਆ ਨੇ ਲਿਖਿਆ: “ਨਮਸਕਾਰ, ਮੈਨੂੰ ਤੁਹਾਡੇ ਸਾਰਿਆਂ ਨਾਲ ਆਪਣੀ ਕਿਤਾਬ ਸਾਂਝੀ ਕਰਦਿਆਂ ਖੁਸ਼ੀ ਹੋ ਰਹੀ ਹੈ। ਇਹ ਪਿਆਰ, ਫਰਜ਼, ਅਜ਼ੀਜ਼ਾਂ ਦੇ ਵਿਛੋੜੇ ਅਤੇ ‘ਆਪਣੇਪਣ’ (belonging) ਦੀ ਭਾਵਨਾ ਦੀ ਤਲਾਸ਼ ਬਾਰੇ ਇੱਕ ਕਹਾਣੀ ਹੈ। ਮੈਂ ਇਸਨੂੰ ਤੁਹਾਡੇ ਸਾਰਿਆਂ ਨਾਲ ਸਾਂਝਾ ਕਰਨ ਲਈ ਉਤਸੁਕ ਹਾਂ।”
