ਵਿਆਹ ਅਤੇ ਗਰਮੀਆਂ ਦੀ ਖਰੀਦਾਰੀ ਲਈ ਇੱਕ ਸ਼ਾਨਦਾਰ ਮੌਕਾ
ਚੰਡੀਗੜ੍ਹ, 23 ਅਪ੍ਰੈਲ,ਬੋਲੇ ਪੰਜਾਬ ਬਿਊਰੋ (ਹਰਦੇਵ ਚੌਹਾਨ);
ਨੈਸ਼ਨਲ ਸਿਲਕ ਐਕਸਪੋ ਚੰਡੀਗੜ੍ਹ ਵਿੱਚ ਪੂਰੇ ਉਤਸ਼ਾਹ ਨਾਲ ਦੁਬਾਰਾ ਆ ਗਿਆ ਹੈ। ਇਹ 6 ਦਿਨਾਂ ਦੀ ਪ੍ਰਦਰਸ਼ਨੀ ਗ੍ਰਾਮੀਣ ਹਸਤਕਲਾ ਵਿਕਾਸ ਸਮਿਤੀ ਵੱਲੋਂ ਆਯੋਜਿਤ ਕੀਤੀ ਗਈ ਹੈ ਅਤੇ ਇਹ 23 ਅਪ੍ਰੈਲ ਤੋਂ 28 ਅਪ੍ਰੈਲ ਤੱਕ ਹਿਮਾਚਲ ਭਵਨ, ਸੈਕਟਰ 28-ਬੀ ਵਿਖੇ ਸਵੇਰੇ 11 ਵਜੇ ਤੋਂ ਰਾਤ 9 ਵਜੇ ਤੱਕ ਰੋਜ਼ਾਨਾ ਲਗਾਈ ਜਾ ਰਹੀ ਹੈ । ਇਸ ਵਿਚ ਪ੍ਰਵੇਸ਼ ਫ੍ਰੀ ਹੈ।
ਇਸ ਐਕਸਪੋ ਵਿੱਚ ਆਂਧ੍ਰਾ ਪ੍ਰਦੇਸ, ਪੱਛਮੀ ਬੰਗਾਲ, ਗੁਜਰਾਤ, ਬਿਹਾਰ, ਓਡੀਸ਼ਾ ਅਤੇ ਹੋਰ 14 ਹੈਂਡਲੂਮ- ਵਿਰਾਸਤਾਂ ਵਾਲੇ ਰਾਜਾਂ ਤੋਂ ਆਏ ਹੋਏ 150 ਤੋਂ ਵੱਧ ਮਾਹਿਰ ਬੁਨਕਾਰ ਅਤੇ ਕਲਾਕਾਰ ਹਿੱਸਾ ਲੈ ਰਹੇ ਹਨ। ਆਉਣ ਵਾਲੇ ਖ਼ਰੀਦਾਰ ਰੇਸ਼ਮ ਅਤੇ ਸੂਤੀ ਸਾੜੀਆਂ, ਕੁਰਤੀਆਂ, ਡਿਜ਼ਾਈਨਰ ਪਹਿਰਾਵੇ, ਪਹਿਰਾਵੇ ਦੀ ਸਮੱਗਰੀ, ਘਰੇਲੂ ਲਿਨਨ ਤੋਂ ਲੈ ਕੇ ਫੈਸ਼ਨਏਬਲ ਗਹਿਣੇ ਆਦ ਖਰੀਦ ਸਕਦੇ ਹਨ।
ਇਸ ਸਾਲ ਦੇ ਮੁੱਖ ਆਕਰਸ਼ਣ ਵਿੱਚ ਪੋਚਮਪੱਲੀ, ਇੱਕਤ, ਕਾਂਜੀਵਰਮ, ਤੁਸਾਰ, ਚੰਦੇਰੀ, ਮਹੇਸ਼ਵਰੀ, ਗਡਵਾਲ, ਮਧੂਬਨੀ ਪ੍ਰਿੰਟਸ, ਅਤੇ ਆਲੀਸ਼ਾਨ ਅਸਾਮ ਮੁੰਗਾ ਸਿਲਕ ਦੇ ਵਿਸ਼ੇਸ਼ ਸੰਗ੍ਰਹਿ ਸ਼ਾਮਲ ਹਨ ਜੋ 50% ਤੱਕ ਦੀ ਛੋਟ ‘ਤੇ ਮਿਲ ਰਹੇ ਹਨ। ਇਹ ਕਿਫਾਇਤੀ ਕੀਮਤਾਂ ਰੋਜ਼ਾਨਾ ਪਹਿਨਣ ਤੋਂ ਲੈ ਕੇ ਦੁਲਹਨ ਦੇ ਸ਼ਾਨਦਾਰ ਪਹਿਰਾਵੇ ਤੱਕ ਹਨ, ਜੋ ਇਸ ਨੂੰ ਹਰ ਵਾਰਡਰੋਬ ਲਈ ਇੱਕ-ਸਟਾਪ ਜਗ੍ਹਾ ਬਣਾਉਂਦੀ ਹੈ ।
ਐਕਸਪੋ ਦੇ ਆਯੋਜਕ ਜਯੇਸ਼ ਕੁਮਾਰ ਗੁਪਤਾ ਨੇ ਕਿਹਾ ਕਿ ਸਾਡਾ ਮਕਸਦ ਸਿਰਫ਼ ਸਾੜੀਆਂ ਵੇਚਣ ਦਾ ਨਹੀਂ, ਸਗੋਂ ਵਿਰਾਸਤੀ ਕਹਾਣੀਆਂ ਦੱਸਣ ਦਾ ਹੈ। ਹਰ ਬੁਣਾਈ ਇੱਕ ਪਰੰਪਰਾ, ਸਭਿਆਚਾਰ ਅਤੇ ਪੀੜੀ ਦਰ ਪੀੜੀ ਚੱਲੀ ਆ ਰਹੀ ਕਾਰੀਗਰੀ ਨੂੰ ਦਰਸਾਉਂਦੀ ਹੈ।
