ਕੁਰਾਲੀ ਵਿੱਚ ਬੱਸ ਲਾਈਟਾਂ ‘ਤੇ ਰੁਕੀ; ਬੋਲੈਰੋ ਡਰਾਈਵਰ ਨੇ ਉਸਦੀ ਛਾਤੀ ਵਿੱਚ ਰਾਡ ਨਾਲ ਵਾਰ ਕੀਤਾ
ਕੁਰਾਲੀ 5 ਨਵੰਬਰ ,ਬੋਲੇ ਪੰਜਾਬ ਬਿਊਰੋ;
ਮੰਗਲਵਾਰ ਸ਼ਾਮ ਨੂੰ ਪੰਜਾਬ ਦੇ ਕੁਰਾਲੀ ਵਿੱਚ ਇੱਕ ਰੋਡਵੇਜ਼ ਡਰਾਈਵਰ ਦਾ ਕਤਲ ਕਰ ਦਿੱਤਾ ਗਿਆ। ਬੱਸ ਚੰਡੀਗੜ੍ਹ ਤੋਂ ਜਲੰਧਰ ਆ ਰਹੀ ਸੀ। ਜਦੋਂ ਡਰਾਈਵਰ ਨੇ ਕੁਰਾਲੀ ਵਿੱਚ ਲਾਲ ਬੱਤੀ ਵਾਲੀ ਥਾਂ ‘ਤੇ ਪਹੁੰਚ ਕੇ ਰਸਤਾ ਦੇਣ ਲਈ ਹਾਰਨ ਵਜਾਇਆ ਤਾਂ ਅੱਗੇ ਖੜ੍ਹੀ ਇੱਕ ਬੋਲੈਰੋ ਦੇ ਡਰਾਈਵਰ ਨੇ ਉਸਦੀ ਛਾਤੀ ‘ਤੇ ਰਾਡ ਨਾਲ ਵਾਰ ਕੀਤਾ। ਰਾਡ ਲੱਗਦੇ ਹੀ ਡਰਾਈਵਰ ਮੌਕੇ ‘ਤੇ ਡਿੱਗ ਪਿਆ। ਲੋਕਾਂ ਨੇ ਉਸਨੂੰ ਚੁੱਕ ਕੇ ਕੁਰਾਲੀ ਦੇ ਸਿਵਲ ਹਸਪਤਾਲ ਪੁੰਹਚਾਇਆ। ਇੱਥੋਂ ਮੁੱਢਲੀ ਸਹਾਇਤਾ ਦੇਣ ਤੋਂ ਬਾਅਦ ਡਾਕਟਰਾਂ ਨੇ ਉਸਨੂੰ ਮੋਹਾਲੀ ਰੈਫਰ ਕਰ ਦਿੱਤਾ। ਉੱਥੇ ਪਹੁੰਚਣ ‘ਤੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਮ੍ਰਿਤਕ ਡਰਾਈਵਰ ਦੀ ਪਛਾਣ ਜਗਜੀਤ ਸਿੰਘ (36) ਵਜੋਂ ਹੋਈ ਹੈ। ਉਹ ਜਲੰਧਰ ਰੋਡਵੇਜ਼ ਡਿਪੂ ਵਿੱਚ ਤਾਇਨਾਤ ਸੀ।
