ਨਵੀ ਦਿੱਲੀ, 3 ਮਈ ,ਬੋਲੇ ਪੰਜਾਬ ਬਿਊਰੋ;
ਮੱਧ ਪੂਰਬ ਵਿੱਚ ਚੱਲ ਰਹੇ ਤਣਾਅ ਅਤੇ ਅਮਰੀਕੀ ਜਲ ਸੈਨਾ ਦੀ ਨਾਕਾਬੰਦੀ ਦੇ ਵਿਚਕਾਰ, ਭਾਰਤ ਲਈ ਇੱਕ ਵੱਡੀ ਰਾਹਤ ਦੀ ਖ਼ਬਰ ਹੈ। ਭਾਰਤ ਲਈ ਗੈਸ ਲੈ ਕੇ ਆ ਰਿਹਾ ਜਹਾਜ਼ MT ਸਰਵ ਸ਼ਕਤੀ ਸਮੁੰਦਰੀ ਰਸਤੇ ਸਟ੍ਰੇਟ ਆਫ਼ ਹੋਰਮੁਜ਼ (ਹੋਰਮੁਜ਼ ਜਲਡਮਰੂ) ਨੂੰ ਪਾਰ ਕਰ ਗਿਆ ਹੈ। ਇਹ ਜਹਾਜ਼ ਮਾਰਸ਼ਲ ਟਾਪੂ (Marshall Islands) ਦੇ ਨਾਂ ‘ਤੇ ਰਜਿਸਟਰਡ ਹੈ। ਸਰਕਾਰ ਅਨੁਸਾਰ, ਜਹਾਜ਼ 13 ਮਈ ਨੂੰ ਵਿਸ਼ਾਖਾਪੱਟਨਮ ਪਹੁੰਚ ਜਾਵੇਗਾ। ਮਤਲਬ, ਭਾਰਤ ਨੂੰ ਲੋੜੀਂਦੀ ਗੈਸ ਬਿਨਾਂ ਕਿਸੇ ਰੁਕਾਵਟ ਦੇ ਮਿਲ ਜਾਵੇਗੀ।
ਦੱਸਿਆ ਜਾ ਰਿਹਾ ਹੈ ਕਿ ਇਸ ਜਹਾਜ਼ ਵਿੱਚ ਕਰੀਬ 46 ਹਜ਼ਾਰ ਮੀਟ੍ਰਿਕ ਟਨ LPG ਭਰੀ ਹੋਈ ਹੈ। ਜਹਾਜ਼ ‘ਤੇ ਕੁੱਲ 20 ਲੋਕ ਕੰਮ ਕਰ ਰਹੇ ਹਨ, ਜਿਨ੍ਹਾਂ ਵਿੱਚੋਂ 18 ਭਾਰਤੀ ਹਨ। ਮਿਡਲ ਈਸਟ ਦੇ ਤਣਾਅ ਅਤੇ ਸਟ੍ਰੇਟ ਆਫ਼ ਹੋਰਮੁਜ਼ ਵਿੱਚ ਰੁਕਾਵਟ ਨੂੰ ਲੈ ਕੇ ਸਰਕਾਰ ਨੇ ਜਾਣਕਾਰੀ ਦਿੱਤੀ ਹੈ। ਮੰਤਰਾਲੇ ਨੇ ਦੱਸਿਆ ਕਿ ਉੱਥੇ ਮੌਜੂਦ ਸਾਰੇ ਭਾਰਤੀ ਨਾਵਿਕ ਸੁਰੱਖਿਅਤ ਹਨ। ਪਿਛਲੇ 24 ਘੰਟਿਆਂ ਵਿੱਚ ਕਿਸੇ ਵੀ ਭਾਰਤੀ ਜਹਾਜ਼ ਨਾਲ ਕੋਈ ਘਟਨਾ ਨਹੀਂ ਵਾਪਰੀ ਹੈ।
