ਇਟਲੀ, 24 ਅਗਸਤ ,ਬੋਲੇ ਪੰਜਾਬ ਬਿਊਰੋ;
ਇਟਲੀ ਵਿੱਚ ਤੇਜ਼ ਤੂਫ਼ਾਨੀ ਹਵਾਵਾਂ ਦਾ ਅਜਿਹਾ ਕਹਿਰ ਦੇਖਣ ਨੂੰ ਮਿਲਿਆ ਕਿ ਏਅਰਪੋਰਟ ਦੇ ਰਨਵੇਅ ‘ਤੇ ਖੜ੍ਹੇ ਛੋਟੇ ਜਹਾਜ਼ ਹਵਾ ਵਿੱਚ ਖਿਡੌਣਿਆਂ ਵਾਂਗ ਉੱਡਦੇ ਅਤੇ ਪਲਟਦੇ ਨਜ਼ਰ ਆਏ। ਇਹ ਘਟਨਾ 21 ਅਗਸਤ ਨੂੰ ਇਟਲੀ ਦੇ ਐਮੀਲੀਆ-ਰੋਮਾਨਾ ਇਲਾਕੇ ਦੇ ਫੋਰਲੀ ‘ਲੁਈਜੀ ਰਿਡੋਲਫੀ’ ਏਅਰਪੋਰਟ ‘ਤੇ ਵਾਪਰੀ। ਇੱਥੇ ਲਗਭਗ 120 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਆਏ ਤੇਜ਼ ਹਵਾ ਦੇ ਬੁੱਲਿਆਂ ਨੇ ਕੁਝ ਹੀ ਮਿੰਟਾਂ ਵਿੱਚ ਭਾਰੀ ਨੁਕਸਾਨ ਪਹੁੰਚਾ ਦਿੱਤਾ।
ਤੇਜ਼ ਹਵਾਵਾਂ ਨੇ ਏਅਰਪੋਰਟ ‘ਤੇ ਖੜ੍ਹੇ ਕਈ ਹਲਕੇ ਅਤੇ ਅਲਟ੍ਰਾਲਾਈਟ ਜਹਾਜ਼ਾਂ ਨੂੰ ਉਨ੍ਹਾਂ ਦੀ ਥਾਂ ਤੋਂ ਉਖਾੜ ਦਿੱਤਾ। ਸਾਹਮਣੇ ਆਈ ਵੀਡੀਓ ਵਿੱਚ ਚਾਰ ਜਹਾਜ਼ ਤੇਜ਼ ਹਵਾਵਾਂ ਦੇ ਕਾਰਨ ਹਵਾ ਵਿੱਚ ਉੱਛਲਦੇ, ਪਲਟਦੇ / ਜ਼ਮੀਨ ‘ਤੇ ਡਿੱਗਦੇ ਦਿਖਾਈ ਦਿੱਤੇ। ਹਾਲਾਤ ਨੂੰ ਦੇਖਦੇ ਹੋਏ ਸੁਰੱਖਿਆ ਕਾਰਨਾਂ ਕਰਕੇ ਏਅਰਪੋਰਟ ਨੂੰ ਲਗਭਗ ਇੱਕ ਘੰਟੇ ਲਈ ਬੰਦ ਕਰਨਾ ਪਿਆ।
ਤੂਫ਼ਾਨੀ ਹਵਾਵਾਂ ਨਾਲ ਏਅਰਪੋਰਟ ਦੀਆਂ ਕੁਝ ਇਮਾਰਤਾਂ ਨੂੰ ਨੁਕਸਾਨ ਪਹੁੰਚਿਆ ਅਤੇ ਯਾਤਰੀਆਂ ਦੇ ਆਉਣ ਵਾਲੇ ਖੇਤਰ ( ਵਿੱਚ ਲੱਗੀ ਛੱਤ ਦਾ ਕੁਝ ਹਿੱਸਾ ਵੀ ਨੁਕਸਾਨਿਆ ਗਿਆ । ਹਾਲਾਂਕਿ, ਰਾਹਤ ਦੀ ਗੱਲ ਰਹੀ ਕਿ ਇਸ ਘਟਨਾ ਵਿੱਚ ਕਿਸੇ ਦੇ ਜ਼ਖ਼ਮੀ ਹੋਣ ਦੀ ਖ਼ਬਰ ਨਹੀਂ ਹੈ। ਤੂਫ਼ਾਨ ਦਾ ਅਸਰ ਫੋਰਲੀ-ਚੇਸੇਨਾ ਅਤੇ ਰਾਵੇਨਾ ਸੂਬਿਆਂ ਦੇ ਆਲੇ-ਦੁਆਲੇ ਦੇ ਇਲਾਕਿਆਂ ਵਿੱਚ ਵੀ ਦੇਖਣ ਨੂੰ ਮਿਲਿਆ।
